Оқушыларды вакциналаудың маңызы

Денсаулық сақтау

22:47 15 Желтоксан 2021

Облыстық жедел медициналық жәрдем орталығының деспетчерлік бөліміндегі мамандар күні-түні телефоннан құлақ алмайды. Тұмау тиіп, ыстығы көтеріліп, жөтеліп хабарласатын тұрғындардың саны шаш етектен. Біреулер тіпті ауыр формадағы пневмониямен емханаға түсіп жатыр. Себебі, қазір маусымдық жедел респираторлық-вирустық инфекция өршіп тұр.

Оксана Долгушина
, облыстық жедел медициналық жәрдем орталығының диспетчері:

– Бір күнде орталыққа 100-ден аса қоңырау түседі. Демалыс күндері тіпті көп. Себебі, ол уақытта емханалар жұмыс істемейді. Қазір түрлі мерзімдік вирустық инфекциялар көбейді ғой. Ересек адамдардан кішкентай балаларға дейін ауырып жатыр. Тұрғындардан жылы киініп, қоғамдық орындарға көп бармай, барынша сақтанып жүруді сұраймыз.

Ал орталықтың бас дәрігері Арман Башыров солтүстікқазақстандықтарға екпе алуға кеңес береді. Әсіресе, 12 мен 18 жас аралығындағы балаларды иммундауға мән беру қажет дейді.

Арман Башыров, облыстық жедел медициналық жәрдем орталығының бас дәрігері:

– Қазіргі күні балалардың бәрі мектепке барып оқиды. Бұрынғыдай онлайн емес. Адам көп шоғырланған жерде күні бойы жүріп вирус жұқтырып алуы мүмкін. Мысалы, бір бала үйіндегі адамдармен немесе туыстарымен етене қарым-қатынас жасайды. Кейін мектепке келіп басқа балалармен араласады. Сондықтан, жасөспірімдерді вакциналау маңызды.

Қазіргі күні облыс көлемінде жедел медициналық жәрдем қызметіне 1-күнде 600-ге жуық адам хабарласады екен. Бұл фельдшерлер мен дәрігерлердің мойнына түсетін жүктемені арттырады. Өйткені, коронавирус қоғам арасынан кетпегендіктен ауырған адамдардың барлығынан ПТР-тест алып, қауіпті індеттің жоқтығына көз жеткізу қажет.

Бердимурат Баймухан

Бұдан әрі оқыңыз

2 жыл ішінде 18 мыңнан астам қазақстандық коронавирустан көз жұмған
Облыста мереке күндері 300 адам тайып құлап, жарақат алған
Өңірде “Pfizer” вакцинасының 61 мыңнан астам дозасы бар
Коронавирус жұқтырғандардың 30%-ы – егде жастағы жандар
Қазақстанда тәулігіне 40 мың адам коронавирус жұқтыруы мүмкін
СҚО-да “Comirnaty” екпесін 6 мыңнан астам адамсалдыртқан
Елімізде “омикрон” штамына байланысты шектеулер енгізілуі мүмкін
Елімізде 11 өңір “қызыл” аймаққа өтті
33 мыңнан астам солтүстікқазақстандық ревакцинациядан өтті
Облыстық перинаталдық орталық заманауи аппаратпен толықты
Әлемде коронавирус өршіп тұр
Облыста 5200-ден астам жасөспірім “Pfizer” вакцинасын алды