Жемқорлықпен күреске үлес қосқан жандар марапатталды

Қоғам

21:53 9 Желтоксан 2021

 

Алғаш болып Сыбайлас жемқорлыққа қарсы іс-қимыл агенттігінің облыстық департаментінің басшысы Жарқын Ғалымов сөз сөйледі. Ол жиналғандарды атаулы датамен құттықтап, 30 жылда атқарылған ауқымды шаруаны жіпке тізді. Айтуынша қазіргі күні Қазақстан біріккен ұлттар ұйымы қабылдаған жемқорлыққа қарсы конвенция негізінде өзге мемлекеттермен етене жұмыс істеп келеді. Аталған келісім аясында елімізге шет мемлекеттерге асып кеткен қаржының көп бөлігі қайтарылған.

Жарқын Ғалымов, ҚР Сыбайлас жемқорлыққа қарсы іс-қимыл агенттігі СҚО бойынша департаментінің басшысы:

– Қазақстан бұл құжатқа 2008-ші жылы қол қойып, әріптестік жөнінде келісім жасасты. Конвенцияның мақсаты – бармақ басты, көз қыстылықты жоюға бірге ат салысып, жымқырылған қаржыны сол елдің өзіне қайтару. Бүгінде аталған құжатқа 140-қа жуық мемлекет қол қойды.

Сонымен қатар, шара барысында облыс әкімінің орынбасары Ғани Нығыметов те сөз алып, жемқорлықпен күрес жолында елеулі еңбек атқарып жүрген жандарға алғысын айтты.

Ғани Нығыметов, СҚО әкімінің орынбасары:

– Менің ойымша тәуелсіздіктің мәңгі болуы сыбайлас жемқорлықтың болмауына байланысты. 30 жылда жаңа мемлекет құрылды. Бірақ, оны сақтап қалу үшін қоғам парасатты және жемқорлықтан таза болуы керек. Біздің мақсатымыз – осы жолда қызмет ету. Осы жылы жергілікті сыбайлас жемқорлықпен күрес департаментінің өкілдерімен бірге ауқымды жұмыстар атқарып жатырмыз.

Сыбайлас жемқорлықпен күрес, оны халық арасында насихаттау жолында жергілікті департамент мамандарынан бөлек түрлі орган өкілдері, қоғам белсенділері мен БАҚ саласының қызметкерлері де елеулі еңбек етіп жүр. Осы орайда бүгін 20-ға жуық жан бейінді департамент басшысының марапатына ие болды.

Бердимурат Баймухан

Бұдан әрі оқыңыз

Православ сеніміндегілер Крещение Господне мерекесін атап өтуде
10 қаңтар – Жалпыұлттық аза тұту күні
2-ЖЭО-да көз жұмған азаматтың өліміне жұмысберуші кінәлі
Қазпошта бөлімшелері мен ХҚКО жұмысын жалғастыруда
Бескөлде 145 метрлік сырғанақ құйылды
Жерлесімізге жәрдем керек
Облыста 4 жол-көлік апаты орын алды
Қоғам өкілдері Президенттің шешімін қолдайды
Әскерде қызмет ету – әр ер азаматтың парызы
Сall-орталыққа төтенше жағдай режимі бойынша 200 астам қоңырау түскен
Бағаны тұрақтандыру қорына бөлінетін қаражат көлемі артады
Президент тапсырмалары – өзекті мәселелердің шешімі