“Ten Qogam” мобильді қосымшасының демо-нұсқасы таныстырылды

Қоғам

23:16 2 Желтоксан 2021

Осыған дейін мүгедектігі бар жандар мемлекеттік қызмет түріне қол жеткізу үшін бірнеше сайтты ақтарып, оның өзінде керегін толықтай таба алмайтын. Енді бұл проблема біржақты етілді десе де болады. Өйткені, «Ten Qogam» қосымша арқылы үйде отырып, телефонның көмегімен қажетті құжаттарға қол жеткізуге мүмкіндік бар. “Ардос-Жүрек” мүгедектер бірлестігінің жетекшісі Ақжан Кәрім карантин уақытында кембағал жандардың әлеуметтік қызмет түрлеріне қолы жетпей, біраз қиналғанын көріпті. Содан осындай тың жобаны қолға алған.

Ақжан Кәрім, “Ардос-Жүрек” мүгедектер бірлестігінің жетекшісі:

– Мобильді қосымшаның орыс тіліндегі нұсқасы дайын болып қалды. Қазір қазақ тіліндегі нұсқасын жасап жатырмыз. Айта кетейін, «Ten Qogam» жобасы көзі нашар көретін жандар үшін де ыңғайластырылып дайындалды. Өйткені, бұл жайт кейбір сайттарда ескерілмей жатады. Тағы мобильді қосымшада кембағал адамдардың құқығы мен оларға қатысты жаңалықтар да жарияланып отырады.

Заман игілігі түрлі жас категориясына арналып әзірленген. Мәселен, студенттер қосымшаға кіріп, жоғары оқу орындарында өздеріне қарастырылған жеңілдікпен таныса алады. Тіпті, қашықтықтан пайдалы курстарға қатысу мүмкіндігі де бар.

Сандуғаш Молдағалиева, Қозыбаев университетінің студенті:

– Мобильді қосымшамен жіті танысып шықтым. Тиімді тұстары көп. Өзімнің ұялы телефоныма жүктеп аламын. Мүмкіндігі шектеулі жандар түрлі қиындықтармен бетпе-бет келіп жатады. Енді азаматтар үшін әлеуметтік қызметтер бұрынғыға қарағанда әлдеқайда қолжетімді болады деп ойлаймын.

Мүгедектігі бар жандар «Ten Qogam» мобильді қосымшасын “Play Market” арқылы жүктей алады. Сонымен қатар, компьютер қолданушылары үшін арнайы сайт та әзірленіп жатыр.

Алтынай Казиканова

Бұдан әрі оқыңыз

Солтүстікқазақстандықтар террорлық актіден қаза болғандардың жақындарына көңіл айтуда
Облыста азық-түлік көлемі жеткілікті деңгейде
Бескөлде 145 метрлік сырғанақ құйылды
Қоғам өкілдері Президенттің шешімін қолдайды
Қазақ тілін оқыту жөнінен кезекті курстар бастау алады
Сall-орталыққа төтенше жағдай режимі бойынша 200 астам қоңырау түскен
Қазпошта бөлімшелері мен ХҚКО жұмысын жалғастыруда
Ұлттық Ұланның қатары артпақ
Елбасы Қазақстан халқына үндеу жасады
ҚР ҰҰ Әскери институтында лаңкестермен күресте қаза тапқандарды бір минут үнсіздікпен еске алды
10 қаңтар – Жалпыұлттық аза тұту күні
10 қаңтар – Жалпыұлттық аза тұту күні