Қос үйдің конкурсына қатысу үшін өтініш қабылдау басталды

Аптадағы маңызды жаңалықтар

22:42 23 Қараша 2021

Бірінші ғимарат күн сайын түрленіп келе жатқан Ш.Уәлиханов көшесінде орналасқан. Көпқабатты нысан 72 пәтерден тұрады. Баспаналар әрленген күйде тапсырылады. Яғни, бірден кіріп, қоныс тойын тойлап, тұра беруге болады. Әр шаршы метрінің бағасы – 160 мың теңге.

Арман Сүгіралин, “Отбасы банк” АҚ СҚОФ бөлім басшысы:

– 1 бөлмелі 2 пәтер болады. Максималды көлемі – 38,98 ш.м. Бағасы – 6 236 800 теңге. 2 ­бөлмелі 34 пәтер болады. Максималды көлемі – 53,73 ш.м. Бағасы – 8 596 800 теңге.

Қалған 36 пәтер 3 бөлмелі болмақ. Ең үлкенінің аумағы 72 шаршы метрге жуықтайды. Ал бағасы шамамен 11 жарым млн теңгені құрайды. Келесі нысан Парфирьев көшесі, 60 мекен жайы бойынша салынып жатыр. Яғни, жолы болған салымшыларға «Жас өркеннен» су жаңа баспана бұйырады. Мұндағы 71 пәтер де әрленген күйде беріледі. Әр шаршы метрінің бағасы өзгеріссіз қалады – 160 мың теңге.

Арман Сүгіралин, “Отбасы банк” АҚ СҚОФ бөлім басшысы:

2 ­бөлмелі 38 пәтер болады. Максималды көлемі – 59,53 ш.м. Бағасы – 9 524 800 теңге. 3 бөлмелі 33 пәтер болады. Максималды көлемі – 71,74 ш.м. Бағасы – 11 478 400 теңге.

Өтінішті қабылдау кеше басталды. Жергілікті атқарушы органда кезекте тұрған банк салымшысы жеке деректерін желтоқсанның 21-ші жұлдызына дейін жолдап үлгеруі тиіс. Себебі, 22-сі күні үміткерлердің ұпай сандары саналып, қорытынды шығарылады. Айта кетейік, өтінішті otbasybank.kz интернет ­ресурсында беруге болады.

Байболат Култанов

Бұдан әрі оқыңыз

“Ауыл – ел бесігі” бағдарламасы аясында 3,5 мың ауылдың көркі кіреді
Биыл 850-ге жуық солтүстікқазақстандық мемлекеттен өтеусіз грант алды
Ревакцинациядан мыңға жуық теріскейлік өтті
«Pfizer» вакцинасын мыңнан астам солтүстікқазақстандық қойдырған
Құмар Ақсақалов онлайн қоғамдық қабылдау өткізді
Құс фабрикалары жұмыртқаны негізсіз қымбаттатқан
Жастардың мәселелері билік өкілдерімен талқылануы тиіс
Нұротандықтар қоғамдық кеңес отырысын өткізді
Шал ақын ауданында таза ауызсу мәселесі өткір тұр
Облыс әкімі онлайн қабылдау өткізді
Облыстық әкімдік отырысы өтті
Тұрғындар жер мәселесі бойынша облыс әкіміне жүгінді