№3 қалалық емхана базасында 23 мыңнан астам адам екпе алған

Денсаулық сақтау

22:05 12 Қараша 2021

Бүгінге дейін №3 қалалық емхананың мамандары 23 мыңнан астам солтүстікқазақстандықты иммундау шарасынан өткізген. Медицина қызметкерлерінің бір бөлігі ағымдағы жылдың 1-ші қыркүйегінен жергілікті университет қабырғасында еңбек етуде. Мұнда жоғары оқу орнының оқытушылары мен студенттері және қала тұрғындары тәж вирусына қарсы вакцина қойдыра алады. Ақ халаттылар орта есеппен күніне 10-15 адам қабылдайды екен. Айта кетейік, білім ордасында жұмыс істейтін жандардың басым бөлігі белсенділік танытып, науқанға бір кісідей қатысқан. Бүгінде дәрігерлік пункте ресейлік «Спутник V» мен қытайлық Vero Cell препараттары бар. Екпе алам деушілерге түскі 1 мен 4-тің аралығында есік ашық.

Жұлдыз Ибраева, №3 қалалық емхананың жалпы тәжірибедегі дәрігері:

– Вакцина қойдыруға жастармен қатар егде жастағы жандар да келеді. Әдеттегідей, екпе екпес бұрын тұрғындарды міндетті түрде тексеріп шығамыз. Яғни, дене температурасын, қан қысымын қараймыз. Егер вакцинаға қарсы әсерлер байқасақ, бірден дәрігерге жібереміз. Ал ешқандай олқылық болмаса, онда препарат салынады. Жалпы, жерлестеріміз екпеден кейін өздерін қалыпты сезінеді.

Алтынай Казиканова

Бұдан әрі оқыңыз

Қызылжар ауданында 50-ге жуық адам “Comirnaty” вакцинасын алды
Облыста тұмау мен ЖРВИ жұқтыру жағдайлары көбейді
Соңғы тәулікте 150-ден астам солтүстікқазақстандық тәж вирусын жұқтырған
Әлем халқының 41% вакциналаудың толық курсынан өтті
СҚ кәсіби педагогикалық колледжінде шеберлік сағаты өтті
М.Жұмабаев атындағы колледж студенттері екпе алды
№2 қалалық емханада 8 мобильді бригада жұмыс істеуде
Өңірде коронавирусқа қарсы вакциналау науқаны жалғасуда
СҚО-да 2 мыңнан астам жасөспірім вакцина алды
Өңірге “Pfizer” вакцинасының 33 мың дозасы жеткізілді
Өңірге жуырда АҚШ-тың “Комирнати” вакцинасы жеткізіледі
М.Жұмабаев ауданында 13 мың 500-ден аса адам иммундау шарасынан өтті