Петропавлда қазақ күресінен облыстық жарыс өтуде

Спорт

22:10 11 Қараша 2021

Түске дейін жеңіл салмақтағы палуандар күш сынасты. Жеңгендері ертең өтетін ақтық кезеңге жолдама алды. Ал қазір орта салмақтағы спортшылар жүлде жолында жан алысып, жан берісуде.

Бозкілемде – Мағжан Жұмабаев ауданынан келген Темірлан Ғабдулин мен қызылжарлық Глеб Сычёв. Қос палуан 50 келі салмақ дәрежесінде мықтыны анықтауда. Бастапқыда өрендер бір-біріне лайықты қарсылық танытты. Алайда, кездесудің ортасына қарай Темірлан жергілікті спортшының өрескел қателегін ұтыпты пайдаланып, қарсы әдіс арқылы жеңіске жетті.

Темірлан Ғабдулин, жарысқа қатысушы, М.Жұмабаев ауданы:

– Бұл белдесуде оңай жеңіске жеттім. Қарсыласым маған қарай жүгіре берді. Сол сәтте оны қарсы алып, таза жеңіске қол жеткіздім. Жарыста жеңімпаз атанып, ата-анамды қуантқым келеді.

Кезек ауыр салмақтағы палуандарға келді. Ірі денелі жасөспірімдер кілемге шыға сала жарыстың көркін қыздырды.

Петропавл төрінде жасөспірімдер арасында қазақ күресінен өтіп жатқан облыс чемпионатына 160-қа тарта палуан қатысуда.

Асылхан Болатов, жарыстың бас төрешісі:

– Күрес мектебінің залында 2008-2009-2010 жылғы балалар арасында жарыс өтуде. 10 салмақ бойынша. 32 келіден бастап 65 келідегі балалар арасында кездесулер өтуде. Ертең 1-ші, 2-ші және 3-ші орын үшін белдесулер болады.

Топ жарғандар қараша айының 20-сы мен 21-і күндері Қостанайда өтетін сайыста бақ сынайды. Бұл дода ұлттың ұлы ұстазы Ыбырай Алтынсариннің 180 жылдығына арналып отыр.

Алдияр Айтпаев

 

Бұдан әрі оқыңыз

Мамлюттік спортшылар құрметке бөленді
Теріскейлік спортшы қоян-қолтық ұрыстан әлем кубогының чемпионы атанды
«Qyzyljar» ФК УЕФА-ның Конференция лигасына жолдама алды
«Kuanish» ВК ел чемпионатына дайындалуда
Петропавлда грек-рим күресінен облыстық ашық турнир бастау алды
“Qulager” құрамасы өскемендік “Алтай Торпедо”-ны тізе бүктірді
“Qyzyljar” футбол клубы тарихи жетістікке қол жеткізді
Теріскейлік жас теннисші халықаралық жарыста үздіктер қатарынан көрінді
НЗМ оқушылары арасында тоғызқұмалақтан спартакиада өтті
“Qulager” ХК өскемендік “Torpedo”-ға қарымта кездесуде де есе жіберді
«Qýanysh» волейбол клубының спортшылары марапатталды
Асық атудан қалалық ашық чемпионат өтті