НЗМ студенттері үздіктер қатарынан көрінді

Білім

23:39 26 Қазан 2021

Назарбаев Зияткерлік мектебінің студенттері үздіктер қатарынан көрінді. Оқу ұясының “Шалқыма” домбырашылар ансамблі Нұр-Сұлтан қаласында өткен І халықаралық шығармашылық фестиваліне қатысты. Байқауда өнерпаздар “Қосбасар”, “Секіртпе” және “Желдірме” күйлерін орындады. Нәтижесінде 1-ші және 2-ші орынды иеленді. Сондай-ақ, жеке орындаушылардың арасында Дариға Мұқашева да көзге түсіп, екінші орыннан көрінді. Айта кету қажет, додаға вокал, хореография, музыкалық аспаптар, актерлік шеберлік және бейнелеу өнері аталымы бойынша еліміздің түпкір-түпкірінен жиналған жас өнерпаздар мен ұжымдар ат салысты.

Абылайхан Жоламанов, Химия-биология бағытындағы НЗМ студенті:

– Осындай деңгейдегі байқауға алғаш қатыстым. Қобалжу болғанына қарамастан, бізге көрсетілген қошеметке қарап, жақсы өнер көрсеткенімізге көз жеткіздім. Бұл – біздің тынымсыз еңбегіміздің, ұстаздың терең білімінің нәтижесі. Алдағы уақытта да домбыра үйірмесін негізгі сабағыма қоса алып жүремін. Енді халықаралық байқауға қатысуға бел будық.

Эльмира Садвокасова

Бұдан әрі оқыңыз

Жергілікті ағылшын тілі пәні мұғалімдері халықаралық жобаға қатысуда
Петропавлда “Ұлы дала елі” атты шығармашылық байқау өтті
Петропавлда Ы.Алтынсариннің 180 жылдығына орай поэзиялық кеш өтті
НЗМ оқушысы Артем Герман республикалық президенттік олимпиадада 2-ші орын алды
Балабақшалар мен мектептерде жаңажылдық ертеңгіліктер өткізілмейді
Петропавлда “Қозыбаев оқулары” өтті