Қала тұрғыны интернет-алаяққа алданып қала жаздады

Қылмыс

23:45 20 Қазан 2021

Телефонның арғы жағындағы қу өзін Қазақстан қаржыгерлері қауымдастығының қызметкерімін деп таныстырған. Алаяқтың қолында петропавлдықтың жеке деректері болған. Тіпті, нәзікжандыны сенімді түрде атымен атап, Елордадағы таныстары оның атынан 5 бірдей банктен несие рәсімдеуге тырысып жатқанын айтқан. Бұған жәбірленуші сеніп қалады.

Пысықай одан әрі жылы сөйлеп: “Сан соғып қалмас үшін өзіңіз кредит алып, таныстарыңыз келтірген шығынды жабу керек”,- деп сендірген. Бұған да иланған азаматша 600 мың теңге қарыз алады. Кейін алаяқ телефонға арнайы бағдарлама жүктеуді ұсынады. Бұл ұсынысты орындап жатқан кезде келіншек қосымшаның мобильдік құрылғыны қашықтықтан басқаруға мүмкіндік беретін дүние екенін түсінеді. Бірден тілдесуді тоқтатып, полицейлерге жүгінеді. Тәртіп сақшылары түскен арыз бойынша тергеу амалдарын бастады.

Сәбит Бағытов, СҚО ПД криминалдық полиция басқармасының жедел уәкілі:

– Бөгде адамға жеке мәліметті, cvv-код пен банктік карталардың пин-кодтарын, sms-хабарламалармен келетін бірреттік кіру кодтарын, жеке сәйкестендіру нөмірлерін, әлеуметтік желілердегі логиндер мен парольдарды айтпау керек. Сайттардағы хабарландыруларды да жіті тексеріп алған абзал. Тапсырыс берген тауарға алдын ала төлем сұрату да көңілге күдік ұялатады.

Полиция қызметкерлері банк қызметкері клиентке хабарласып, оның жеке деректерін сұратпайды. Қандай да бір қаржылық операцияны қашықтықтан жүргізбейді дейді. Алаяқтың арбауына түсіп қалмас үшін ең алдымен осыны ұғынып алған жөн.

Байболат Култанов

Бұдан әрі оқыңыз

Арам жолмен ақша таппақ болған патрульдік полиция қызметкерлеріне қандай жаза қолданылады?
Өңір полицейлері сібір елігін атып алған 4 браконьерді ұстады
СҚО-да 3 бірдей қаржы пирамидасы анықталды
18 жастағы петропавлдық алаяқ студенттерге несие рәсімдеткізген
Петропавлда жүк көлігін мас күйде жүргізген ер адам ұсталды
Петропавлда өлген малдың етін сатпақ болған кәсіпкер ұсталды
Жыл басынан бері өңірде 4 адам жол-көлік оқиғасынан қаза тапты
Үстіміздегі жылы облыста теміржол бойында 3 адам қаза тапты
Ішімдікке сылқия тойып алып, біреудің көлігін айдап әкеткен
Жыл басынан бері өңірде есірткі бизнесіне қатысты 203 факті тіркелген
Интернет-алаяқтықтың жаңа түрі таралуда
Жыл басынан бері өңірде 541 интернет-алаяқтық фактісі тіркелді