Әкімдіктер азық-түліктің 5 айлық қорын жинаулары тиіс

Ауыл шаруашылығы

23:39 19 Қазан 2021

Әкімдіктер азық-түліктің 5 айлық қорын жинаулары тиіс. Орталық коммуникациялар қызметі алаңында өткен брифингіде ауыл шаруашылығының вице-министрі осындай ұсыныс тастады. Сондай-ақ, Рүстем Құрманов әлеуметтік маңызы бар тауарлардың бағасы Үкіметтің қатаң бақылауында екенін атап өтті. Апта сайын Сауда және интеграция министрлігі облыс әкімдіктерімен бірлесе жиын өткізіп, азық-түліктің құнын ұстап тұру тетіктерін қарастыратын көрінеді. Бұл ретте бағаны тұрақтандыру қорының алатын орнын да атап кеткен жөн деді вице-министр.

Рүстем Құрманов, ҚР Ауыл шаруашылығы вице-министрі:

– Қарақұмық, күнбағыс майы, қырыққабат, пияз бен сәбізге келер болсақ, әкімдіктер 5 айлық қорды қалыптастырулары қажет. Сатып алуды әлеуметтік-кәсіпкерлік корпорациялар арқылы орақ науқанында жүргізген жөн. Себебі, бұл уақытта өнімдердің бағасы төмен. Ал көктемде ауыл шаруашылығы тауарларының құны жоғары әрі ол кезге дейін таусылып қалуы да мүмкін.

Эльмира Садвокасова

Бұдан әрі оқыңыз

Өңірде аралар қыстауға қалдырылды
Тимирязев ауданындағы жер дауы