Оқушылар мен ұстаздардың зерттеу жүргізу дағдыларын шыңдау. Осындай мақсатпен «Өрлеу» орталығының жергілікті филиалының мамандары «Мен әлемді танимын» халықаралалық байқауын ұйымдастырған болатын. 1 ай бойы өткен конкурстың жеңімпаздары анықталды.Ғылыми жобалар сайысына мектеп оқушылары мен колледж студенттері қатысты. Тіпті, 3-ші сыныптың ұл-қыздары да бақ сынаған. Ресей, Украина мен Беларусь елінен 50 адам қатысқан. Оқушылар робототехника, IT-технология мен цифрландыру бағыттары бойынша өз білімін көрсетті. 3 тілде ғылыми жоба дайындап, қашықтықтан қорғаған. 80-ге жуық қатысушы бас қосқан конкурстың соңғы кезеңіне жетекшілері де қосылды. Нәтижесінде солтүстікқазақстандық 3 оқушы түрлі номинация бойынша жүлделі орындарға ие болып отыр.
Гүлден Ақмағамбетова, «Өрлеу» БАҰО» АҚ СҚО бойынша ПҚ БАИ зертхана меңгерушісі:
– Байқау 3 кезеңнен тұрды. 1-ші – іріктеу, 2-ші – презентациялық, соңғы қорытынды кезең болды. Жеңімпаздар 1,2,3-дәрежелі дипломдармен және келесі 10 номинация бойынша марапатталды.Қазақстаннан жалпы – 29 қатысушы, 18-і – солтүстікқазақстандық.