Жамбыл ауданында Алаш қозғалысына арналған халықаралық конференция өтеді

Қоғам

21:02 8 Қазан 2021

Солтүстік Қазақстан, оның ішінде Петропавл қаласы – 20-шы ғасырдағы Алаштың орталығы. Аққайыңдар өлкесіне келген ғалымдар өз сөздерін осылайша бастады. Мұны дәлелдейтін деректер де аз емес. Тарихшылар соңғы бірнеше жыл бойы Минск, Киев, Мәскеу, Бішкек, Рига мен Ташкент мұрағаттарына бас сұғып, қазақ жеріне қатысты барлық ақпаратты зерттеп, зерделеуде. Оның ішінде Алаш қозғалысының алатын орны бөлек. Ұзақ уақыт бойы жиналған тарихи мағлұматтармен ғалымдар ертең Жамбыл ауданында өтетін халықаралық конференцияда бөліспек.

СұлтанХан Жүсіп, “Алашғылыми зерттеу институтының директоры:

Қызылжар аумағында Әлти деген атақты бай болған. Ол кезінде Алаш партиясының демеушілерінің бірі болған. Алаш автономиясы құрылған кезде мемлекеттік бюджеті болған жоқ. Сонда қалталы азаматтар көмектесіп, қаржылай қолдау көрсеткен болатын. Ертең осы Әлти байдың құрметіне ғылыми конференция өткізіп, аруағына құран бағыштаймыз.

Алаш қайраткерлері мен оларға қолдау көрсетіп, демегендердің барлығы елдің бірлігі мен берекесін қалады. Халқының азаттығы мен бостандығы үшін күресті, еңбек етті. Алайда, мектеп оқулықтарын ақтарсаң, қоғам қайраткерлері жайлы мағлұмат өте аз. Алдағы екі-үш жылда олқылық жойылмақ. Қазір Елордадағы Мемлекет тарихы институты дәл осы істі қолға алған. Ғалымдар Қазақстан тарихының жаңа тұжырымдамасын жасауда.

Еркін Әбіл, Мемлекет тарихы институтының директоры, тарих ғылымдарының докторы:

– Бұл жұмыс 90-шы жылдары басталды. Бірақ, өткен 20 жылдың ішінде жаңа деректер табылды, зерттеу әдістері пайда болды.

Бірақ, бұл тарихты жаңадан жазу дегенді білдірмейді. Шаруа халық пен елдің өткені туралы әлі айтылмаған, зерттелмеген тұстарды табу және жария етуге бағытталған. Осылайша, кітап беттеріндегі тарихты үзік-үзік емес, тұтас қылу қажет дейді Еркін Әбіл.

Эльмира Садвокасова

Бұдан әрі оқыңыз

Сергеевкаға Ираннан 10 отбасы көшіп келді
Сыбайлас жемқорлыққа қатысы бар 4 адам «Nur Otan» партиясынан шығарылған
Өңірде 139 мыңнан астам адам онлайн санақтан өткен
Налобино ауылындағы оң өзгерістер
Әр солтүстікқазақстандық айына 76 мың 300 теңге жұмсайды
Ертең зейнеткерлер қоғамдық көлікпен тегін қатынайды
Облыс орталығында “Мен қазақша сөйлеймін” акциясы өтті
Кембағал жандар арасында шығармашылық фестиваль өтті
Теріскейге қоныс аударушыларға арналған ақпараттық-кеңес орталығы құрылды
Тұңғыш Президент саябағында 30 түп шырша отырғызылды
Петропавлдағы 97 нысанда мүгедектерге тиісті жағдай толық жасалмаған
Бала туғанда берілетін жәрдемақыны рәсімдейтін жаңа жүйе іске қосылды