СҚО-да 50-ден аса адам маскүнемдіктен емдеуге жіберілді

Құқық қорғау органдары

21:06 8 Қазан 2021

Биыл ащы су ішіп алып көлік айдағандардың кесірінен облыс жолдарында 16 жол-көлік апаты болған. Салдарынан 5 адам қаза тауып, 22 кісі түрлі жарақат алған. Заңды елемегендер жауапкершілікке тартылып сотталды. Жақында ұйымдастырылған «Учаске» жедел-алдын алу іс-шарасы аясында тәртіп сақшылары тіркеуде тұрған ондаған тұрғынды маскүнемдіктен мәжбүрлі емдетуге жіберді.

Сейілбек Елжасов, қалалық ПБ ЖПҚБ бастығының орынбасары:

– Благовещенка селосында орналасқан емдеу мекемесіне осы дертке шалдыққан азаматтарды медициналық комиссиядан өткізіп, сот шешімімен сол мекемеге жіберіліп отырады. 2021 жылдың басынан 53 адам жіберілді.

Қазіргі күні Петропавлда ішкілікке салынған 1100-ден аса адам тіркеуде тұр. Мамандар оларды маскүнемдіктен емдеуге жіберуде. Емдеу мерзімі әр түрлі. Оған бірнеше айдан 1 жылға дейін уақыт қажет.

Александр Ружицкий:

– Балам ішіп алған кезде ашушаң болып кетеді. Мүлдем басқа адамға айналады. Тәртіп сақшылары 4 ай қатарынан құжаттарын рәсімдеуге көмектесті. Енді оны емдеуге жібереміз.

«Учаске» жедел-алдын алу іс-шарасы ел бойынша желтоқсан айына дейін жалғасады. Қазіргі уақытта солтүстікқазақстандық полицейлер аулааралық бақылау жүргізуде. Мамандар тұрғындармен кездесіп, отбасылық зорлық-зомбылықтың алдын алу шарасын өткізіп жатыр.

Бердимурат Баймухан

Бұдан әрі оқыңыз

“Жолда қабылдау” акциясы өтті
Өңірдің 7 полицейінің шені өсті
СҚО-да көші-қон қызметінің мамандары 4 мыңға жуық заңға қайшы әрекет тіркеген
Өңірде жыл басынан бері 50-ге жуық көлік ұрланған
СҚО-да үздік жедел уәкіл анықталды
Қызылжар ауданында 17 жастағы жігіт граната тауып алды