Абаттандыру ережелерін бұзғандар анықталды

Экология

22:07 7 Қазан 2021

Пластик бөтелкелер, полиэтилен пакеттер, тамақ пен құрылыс материалдарының қалдықтары. Мұндай қоқыс үйінділерін Петропавлдың жер-жерінен кезіктіруге болады. Ол желмен жан-жаққа ұшады, ауаны ластайды, адам денсаулығына зиян келтіреді. Негізі, облыс орталығында қатты тұрмыстық қалдық шығарумен 6 кәсіпорын айналысады.

Қоршаған орта үшін бар жауапкершілікті кәсіпорындарға ғана артып қоюға болмас. Экология мен айналаның тазалығы тұрғындардың да мойнында. Алайда, мұны түсінбейтіндер баршылық. Қоқыс үйінділері әсіресе жер үй секторы мен саяжай аумақтарында көп. Сондықтан, полиция қызметкерлері рейдке шығып, тұрғындарға түсіндіру жұмыстарын жүргізді.

Қайрат Нағыметов, қалалық полиция басқармасының учаскелік полиция инспекторы:

– Шара барысында қоқыс контейнерлері орналасқан алаңдар тексерілді, қатты тұрмыстық қалдықты шығарумен айналысатын кәсіпорын мамандарымен әңгімелестік. Жер үй секторын аралап, тұрғындарға ережелерді түсіндірдік. Қоқысты заңсыз алаңдарға тастаған жағдайда 20 АЕК көлемінде айыппұл салынатынын айттық.

Жыл басынан абаттандыру ережелерін бұзған 9 мыңнан аса солтүстікқазақстандық жауапкершілікке тартылған. Олардың 44-іне айыппұл салынса, қалғандарына ескерту жасалған.

Эльмира Садвокасова

Бұдан әрі оқыңыз

Қаладағы автобус паркі 20 пайызға ескірген
Өңірдегі экологиялық проблемалар біртіндеп шешілмек
Белсенділер тазалық акциясында бас қосты
Айыртау ауданында жел электр станциясы салынады
“Jasyl El” ұйымының 17-ші еңбек маусымы аяқталды
Сары контейнерге жиналған қоқыс қайда жіберіледі?