Тұңғыш Президент саябағында 30 түп шырша отырғызылды

Қоғам

22:02 6 Қазан 2021

Жергілікті кәсіподақ ұйымдарының өкілдері ескі саябаққа таңғы 9 шамасында жиналды. Осында өздерінің атындағы аллея бар. Кәсіподақ өкілдері бүгін саябақтағы жасыл желектің қатарын толықтырып ағаш екпекші. Көптің бірі – Қанаш Смаилов. Игі іске білек сыбана кіріскен жан – “SENIM” денсаулық сақтау кәсіподағының мүшесі. Жедел жәрдем көлігін 10 жылдан бері тізгіндеп жүрген азамат қатарластарына қосылып, шараға қатысуды жөн деп тапқан.

Қанаш Смаилов, “SENIM” денсаулық сақтау кәсіподағының мүшесі:

– Тәуелсіздіктің 30 жылдығына қарсы жақсы іс-шара өтуде. Кәсіподақтар аллеясына ағаш отырғызып жатырмыз. Мен биыл бұл жұмысқа бірінші рет қатысып отырмын. Бұған дейінгі жылдары жұмыста болып, өкінішке қарай қатыса алмадым.

30 жылдыққа – 30 түп шырша. Бұл акция тұғырлы тәуелсіздіктің мерейтойына және кәсіподақтар күніне арналып отыр. Оған облыстың түкпір-түкпірінен жиналған ұйым өкілдері қатысуда. Айта кетейік, мұндай іс-шара шаһарда 3-ші жыл қатарынан өткізілуде.

Қайрат Үстеміров, Орман шаруашылығы және жануарлар дүниесі қызметкерлері салалық кәсіподағының төрағасы, Нұр-Сұлтан қаласы:

– Қос мереке қарсаңында облыс орталықтарының барлығында осындай акция өткізіліп жатыр. Кәсіподақтар күніне орай ардагерлер мен белсенді жандар марапатталады. Жалпы, кәсіподақтар аллеясына ағаш отырғызу жұмыстары жыл сайын көктем мен күзде ұйымдастырылады.

2019 жылдан бері Петропавлдағы кәсіподақтар аллеясына 93 сібір шыршасы отырғызылыпты. Айта кету қажет, бүгінде елімізде 40 мыңға жуық кәсіподақ бар. Оған 2 млн-нан астам адам мүшелік етеді.

Алдияр Айтпаев

Бұдан әрі оқыңыз

Нысандардың мүгедектер үшін қолжетімділігін арттыру қажет
Налобино ауылындағы оң өзгерістер
Облыс әкімі онлай қабылдау өткізді
Өзбекстаннан қоныс аударған ағайын көкөніс егумен айналысады
Сергеевкаға сән кірді
Өңірде “Сақтан” акциясы өтуде
Құтқарушылар зейнеткерлердің үйіне түтін датчигін орнатып берді
Техникалық оңалту құралдарына онлайн тапсырыс беруге болады
Ертең зейнеткерлер қоғамдық көлікпен тегін қатынайды
Жамбыл ауданында Алаш қозғалысына арналған халықаралық конференция өтеді
Әр солтүстікқазақстандық айына 76 мың 300 теңге жұмсайды
Өңірде 139 мыңнан астам адам онлайн санақтан өткен