Жанұялар жарысы

Спорт

21:21 4 Қазан 2021

Бұл – алғашқы сайыс. Ереже бойынша әкелер 2 шеңберді алға жылдам жылжытып отырулары қажет. Ал, анасы мен баласы шеңберден шығып кетпей секіріп отырулары керек. Жақандар жанұясы тапсырманы сапалы әрі жылдам орындап жатыр. Спорттық жарыстарға жиі қатысатындары көрініп-ақ тұр. Бағлан мен Гүлжауһар
“Бала әке-шешесіне қарап бой түзейді”- дейді. Сондықтан, ата-ана қыздарын кішкентай күнінен бастап салауатты өмір салтын ұстануға баулуда.

Гүлжауһар Жақан, сайысқа қатысушы:

– Дәл осындай сайысқа 2-ші рет қатысып отырмыз. Алдында 1-ші орын алдық. Осы жолы да жеңіске жетеміз деп ойлаймын. Басты мақсатымыз – балаларымызға салауатты өмір салтын насихаттау.

Отбасылар арасындағы сайыс екінші сында одан сайын қыза түсті. Мұнда, әсіресе, балалар зор ынта танытып, бір-бірінен озуға тырысуда.

3-ші сында Татаренколар жанұясы көзге түсті. Олар тапсырманы қалғандарына қарағанда жылдам орындауда. Ерлі-зайыпты күнделікті өмірде таза ауада жүгіруді ұнатады. 5 жастағы ұлдары футбол ойнағанды жақсы көреді екен.

Мария Татаренко, сайысқа қатысушы:

– Спорттық эстафетаға қатысып бір серпіліп алдық. Баламызға да ұнап жатыр. Осындай отбасылық шараларға жиі қатысып тұруға тырысамыз. Баламыз жан-жақты болып өссін дейміз. Спорт – денсаулық кепілі!

Жалпы, эстафетада 6 отбасы бақ сынады.

Антон Шишканов, «JE SKO штабы» ҚБ төрағасы:

– Осындай отбасылық эстафета өткізудегі басты мақсат – халықты салауатты өмір салтын ұстануға шақыру. Сайыстың өзіндік ережесі бар. Ата-аналардың жасы 44-тен аспауы қажет. Балалардың жасы 5 пен 10-ның аралығындағы болуы керек.

Сайыста достық жеңді. Эстафетаға қатысушылардың барлығына мақтау қағаздары мен естелік сыйлықтар табыс етілді.

Дана Ешкенова

Бұдан әрі оқыңыз

Солтүстікқазақстандық суда жүзушілер ел чемпионатынан жүлделі оралды
Петропавлда үлкен теннистен әуесқойлар арасында ел біріншілігі өтті
Палуандар сенімді ақтады
Сергеевкада салауатты өмір салтын ұстанған жандардың саны артуда
Велошабандоз Алексей Луценко халықаралық жарыстың жеңімпазы атанды
Петропавлда спорттық акробатикадан ел біріншілігі өтті
Өңірде ат жарысы маусымы жабылды
“Qyzyljar” ФК ақтаулық “Kaspiy” командасын қапы қалдырды
VII “Ақ бидай” республикалық ауыл спорттық ойындары жалғасуда
Әуесқой командалар арасында шағын футболдан сайыс өтті
Есіл ауданындағы Петровка селосында жүгіру алаңы салынып жатыр
“Qulager” ХК оңтүстікастаналық “Almaty” командасын қабылдады