“Чемпион” деп аталатын композицияға қосымша! Бескөл мен облыс орталығын жалғайтын республикалық маңызы бар жолдың қақ ортасына олимпиадалық бес сақина орнатылды. Спорттық белгі қаз-қатар тізілген 7 велошабандоздың дәл алдында тұр. Туындының астыңғы бөлігі – металлдан, сақинаның өзі шыны талшықтан жасалған. Облыс орталығының кіреберіс тұсына ерекше көрік беріп тұрған композицияны әзірлеуге ел бюджетінен 2 млн теңгеге жуық қаражат жұмсалған екен.
– Біздің өңірден талай чемпион шыққан. Жаңа композиция сол спортшыларды еске салып тұрғандай.
– Туындыға қарап жас спортшыларымыз күш-жігер алатындығы анық. Композиция өзіме қатты ұнады.
Бердимурат Баймухан