Облыс орталығында әуесқой командалар арасында шағын футболдан турнир өтті. Ұлттық қауіпсіздік комитеті департаментінің бастамасымен, ел тәуелсіздігінің 30 жылдығына орай ұйымдастырылған шараға 40 жастан асқан жерлестеріміз қатысты. Дені – мемлекеттік орган қызметкерлері мен қала тұрғындары. Сондай-ақ, «Qyzyljar» футбол клубының ардагерлері де ат салысты. Барлығы – 10-ға жуық команда. Сайыс 2 күнге созылды. Жүзден жүйрік атанғандарға кубок, медаль табысталды. Одан бөлек ерекше көзге түскен спортшыларға түрлі номинация бойынша мақтау қағаздары табыс етілді.
Азат Каримуллин, ҚР ҰҚК СҚО бойынша департаментінің басшысы:
– Іс шараны өткізудің негізгі мақсаты – тәуелсіздігімізді мадақтау. Мүмкіндігіміз келгенше өзіміздің спортқа деген көзқарасымызды жастарға көрсету керекпіз. Салауатты өмір салтын барынша насихаттау қажет.
Бердимурат Баймухан