Халықтың әлеуметтік осал топтарына атаулы көмек көрсетіледі

Билік

22:08 7 Қыркүйек 2021

Биыл елдегі инфляцияның жеделдеуіне азық-түлік бағасының шарықтауы себеп болған. Сегіз айдың қорытындысына сүйенсек, өсім 11,4%-ға артқандығын байқауға болады. Оны қалыпқа келтіру үшін үкімет тауарлар өндірісі, экспорт мен импорттың балансын қатаң сақтамақ. Ішкі нарықты жан-жақты толықтырып, агроөнеркәсіптік кешеннің өнімділігі арттырылады.

Осылайша, азық-түлік инфляциясы келесі жылы – 5%-ке, ал 23-24 жылдары 4%-ке дейін төмендетілмек. Ұлттық банктің төрағасы Ерболат Досаев 2 жылдан кейін бағаны әкімшілік реттеуден халықтың әлеуметтік осал топтарына атаулы көмек көрсетуге ауысуды бастауды ұсынды.

Ерболат Досаев, ҚР Ұлттық банкінің төрағасы:

– 2023 жылдан бастап бағаны әкімшілік реттеуден халықтың әлеуметтік осал топтарына атаулы көмек көрсетуге ауысуды бастау орынды деп есептейміз. Бұл сервистік инфляцияны 2022-2024 жылдары 4% деңгейінде тұрақтандыруға мүмкіндік береді. Макроэкономикалық саясат шараларын үйлестіру туралы 2021-2023 жылдарға арналған келісімді тиімді іске асыру да инфляцияны орнықты түрде төмендетуге ықпал ететін болады.

Маржан Касымбек

Бұдан әрі оқыңыз

Мемлекеттік қызмет саласын бақылау басқармасына 103 өтініш түскен
Тексерулер тек cалықтан жалтарушыларға ғана қатысты болады
Тұрғындарды толғандырған мәселелер шешімін табады
Парақорларды ұстап берген 4 азаматқа 816 мың теңге берілді