Ауыл шаруашылығы саласында өзара тәжірибе алмасу. Осындай мақсатпен аққайыңдар өлкесіне Қостанай облысынан делегация келді. Аудан әкімдері, агроқұрылым басшылары. 13 адамнан құралған топ өлкедегі сүт-тауарлы кешендерді аралады. Мысалы, “Қызылжар Сүт”, “Зенченко”, “Шаймерденов СҚ” серіктестіктеріне барды. Мұнда қолданылатын технологиямен кеңірек танысты. Сондай-ақ, көршілес өңірдің азаматтары егістік алқаптарындағы жағдаймен, орақ науқанының барысымен танысты.
Рүстем Елубаев, Аққайың ауданының әкімі:
– Бүгін келген құрамаға жеткен жетістіктерімізді көрсеттік. Өзара тәжірибе алмастық. Ендігі жылы бағдарлама бойынша заманауи кешен салу жоспарда бар. Бүгін келген делегация құрамына ауданның әлеуметтік жағдайын да көрсеттік.
Алтынай Казиканова