Пестрое көлі маңында жол-көлік апаты орын алды

Көлік және жолдар

22:12 2 Тамыз 2021

29-шы шілде күні де сағат кешкі 8-дер шамасында Пестрое көлі маңында жол-көлік апаты орын алды.
ISUZU автокөлігінің жүргізушісі Жас Өркен ықшам ауданының кіреберісінде Ауди маркалы көлікті соққан Салдарынан, жеңіл машинадағы 5 жолаушы да зардап шекті. Олардың үшеуі – бала. Біреуі – биыл ғана туған. Темір тұлпардағы жандардың барлығына медициналық көмек көрсетіліпті. 86-жылғы жүргізуші мен 64 жастағы жолаушы аурухана жатқызылған.

Алмас Еркешев, қалалық ПБ патрульдік полиция батальонының аға инспекторы:

– Медициналық сараптама қорытындысына сәйкес, ISUZU жүргізушісінің мас болмағаны анықталды. ISUZU көлік құралы мамандандырылған тұраққа қойылды. Аталған факті бойынша материал қалалық ПБ әкімшілік полиция бөліміне жіберілді. Материал сотқа жіберіледі.

Алтынай Казиканова

Бұдан әрі оқыңыз