Тұтынушылардың құқықтарын қорғау

Қоғам

22:33 30 Шілде 2021

Сатушыға бұйымтайымен қайта келген тұрғындардың дені көп жағдайда сауда орындарында құқықтары бұзылатынын айтып шағымданған.
Сапасыз тауарды алмастыра алмаған немесе оның жай-күйі мен жарамдылық мерзімі туралы ешбір мәліметті біле алмаған. Ал сатып алған дүниесінен кемшілік тауып жатса, кәсіпкерлер оның қайтармақ түгілі айырбастап та бермейді екен.

Ләзім Мияшева, СҚО тұтынушылардың құқықтарын қорғау департаментінің басшысы:

– Тұтынушылардың құқықтары бөлшек сауда жасау кезінде көп бұзылады. Мұндай жағдайлар базар мен дүкендерде, түрлі тауар сататын шағын кәсіпкерлік субъектілерінде жиі кездеседі. Сауда орнының қызметкері немесе оның иесінің тауардың сапасы мен қауіпсіздігіне мән бермейтін жағдайлар да аз емес.

Оның өзіндік себебі бар дейді Ләзім Мияшева. Айтуынша, өткен жылдың 1-ші қаңтарынан бастап шағын кәсіпкерлік нысандарын тексеру мен профилактикалық бақылау жүргізуге мораторий жарияланған екен. Бұл – бизнесті дамытып, кәсіпкерлердің емін-еркін жұмыс істеуі үшін қолға алынған шара. Ал шын мәнісінде мұны жергілікті іскер жандар «жағаны жайлауға жіберу» деп түсінген сыңайлы.

Ләзім Мияшева, СҚО тұтынушылардың құқықтарын қорғау департаментінің басшысы:

– Егер тексеріс болмаса, жауапқа тартылмаймыз деп ойлайтын көрінеді кәсіпкерлер. Бірақ, олай емес. Тұрғындардан шағым түссе, міндеттерін орындамаған кәсіпкерлер заң алдында жауап береді. Істері азаматтық сотта қаралатын болады.

Кәсіпкерлердің құлағына алтын сырға. Қазіргі уақытта облысымызда тұтынушылардың қоғамдық бірлестіктері құрылған. Егер тұрғындардан арыз-шағымдар түсіп жатса, белсенді жандар ешқандай ескертусіз кез келген сауда немесе қызмет көрсету орнына барып тексеріс жүргізе алады. Ал жұмыстарынан қандай да бір кемшілік тапса, тиісті органға хат жолдайды. Сондай-ақ, әділдік іздеген тұтынушы телеграм немесе e-tutynushy.kz бірыңғай ақпараттық жүйесі арқылы бейінді департаментке арыз жолдай алады.

Бердимурат Баймухан

Бұдан әрі оқыңыз

Ботаникалық бақта пленэр өтті
Әр солтүстікқазақстандық айына 76 мың 300 теңге жұмсайды
Өзбекстаннан қоныс аударған ағайын көкөніс егумен айналысады
Петропавлда екі жеңіл көлік соқтығысып қалды
СҚО-да келер жылы көкөніс тапшылығы бола ма?
“Үздік көпбалалы отбасы-2021” байқауы қорытындыланды
Облыс әкімі онлай қабылдау өткізді
Өңірде инфляция мөлшері 5,6% құрады
Достық үйінде Жолдау талқыланды
Президенттік кадр резервіне іріктеу өтіп жатыр
Облыс орталығында “Мен қазақша сөйлеймін” акциясы өтті
Өңірде 139 мыңнан астам адам онлайн санақтан өткен