Петропавлда 93 жастағы қария алаяқтарға алданып қалды. Бәзбіреулер кейуананың ұялы телефонына қоңырау шалып, немересін полиция қызметкерлері ұстағанын хабарлаған. Ал босатып алу үшін бақандай 5 мың доллар сұратыпты. Әбден уайымға салынған зейнеткер бар жиған-тергенін беруге келіскен. Осылайша, балконының астына келген адамға 300 мың теңгені терезеден лақтырған. Туыстарына хабарласқан қария жоқ жерде алданып қалғанын түсінеді. Аталған факті бойынша қазір жедел-іздестіру шаралары жүргізіліп жатыр.
Эльмира Садвокасова