Honda маркалы көліктің рөліне отырған ер адам Жұмысшы кентінде ұсталды. Сау емес, масаңдық күйі орташа деңгей деп белгіленді. Тәртіп сақшылары қолданған амал – әкімшілік хаттама толтырылып, іс сотқа жолданды. Негізі, ҚР Әкімшілік құқықбұзушылықтар туралы кодексінің 608-ші бабы бойынша бұндай фактіге қатысты 7 жылға көлік жүргізу құқығынан айыру қарастырылған. Зайсан ықшам ауданында да тағы бір көлік жүргізушісі масаң күйде ұсталды. 45 жастағы ер адам есірткі шегіп алған. Ол да көлік жүргізу куәлігінен айырылуы мүмкін.
Александр Авдонин, СҚО ПД ППБҚ инспекторы:
– Жол-көлік оқиғаларының алдын алу, апатқа әсер ететін жол ережелерінің бұзушылықтарын ескерту мақсатында 15- шілдеден 31-шілдеге дейін «Мас жүргізуші» іс-шарасы өткізілуде Жылдамдықты асыру, көлікті мас күйде жүргізу, белдікті пайдаланбау сияқты бұзушылықтарды анықтау бойынша жұмыстар күшейтіледі.
“Мас жүргізуші” жедел-алдын алу шарасы барысында 4 күнде облыс көлемінде жол жүру ережесін бұзуға қатысты 2 мыңға жуық факті анықталған. Ұсталғандардың 20-дан астамы ішімдік ішіп алған. 200-ге жуығы жылдамдық асырған, тағы бірқатары қауіпсіздік белгісін тақпай, рөлде отырып телефонмен сөйлескен. Жол жүру ережесін бұзған 300-ге жақын жаяу жүргінші ұсталған.
Данаш Хамзина