Шілденің 20-сы Құрбан айт бастау алады

Қоғам

22:37 16 Шілде 2021

Айт намазын оқып, құрбан шалу. Бұл – ұлы мереке қарсаңында Алланың разылығы үшін жасалатын игі амалдар. Биыл Аллаға бір қадам жақындай түсем деген жандар құлшылықты таңғы сағат 7-де мешіт аулаларында жасамақ. Бірақ, қатаң санитарлық талаптарды ұмытпаған жөн.

Кенжетай қажы Байкемелұлы, облыстық “Қызылжар” орталық мешітінің бас имамы:

– Биылғы Құрбан айт 20-шы шілдеден бастап, 21-22-сі күндері аралығында өтпек. Бұл күндерді барлық әлем мұсылмандары бірлесе белгіледі. Айт намазын санитарлық дәрігерлер ашық аспан астында өткізуге рұқсат берді, оның өзінде маска, вакцина жайында ұмытпау қажет.

Ал құрбан шалу биыл онлайн форматта өтпек. Игі іс жасап, құрбан шалам деген жандар qurban2021.kz сайты арқылы өтіп, мал сатып алуға өтініш тастауларына болады. Биыл бір қойдың бағасы – 65 мың, ал ірі қара 350 мың теңгеге бағаланып отыр.

Аян Алыпқашв, облыстық “Қызылжар” орталық мешітінің наиб имамы:

– Сайтқа кірген адам екі бағанның біреуін таңдауы қажет. Яғни құрбан шалуға не құрбан етін алуға. Құрбан рәсімін қажет жағдайда сурет немесе бейнежазба арқылы көруіне жағдай жасалған. Өзі жеке құрбан шалған жандар мешітіміздің еріктілері арқылы мұқтаж жандарға құрбан етін беріп жіберуге де мүмкіндік бар.

Айта кету қажет, жеке тұрғын үй мен ауылдағы ағайынға бұл шектеудің қатысы жоқ. Оларға өз беттерінше құрбан шалуға ҚМДБ тарапынан рұқсат беріліп отыр. Тек игі амал кезінде көп кісі жиналмауы қажет.

Алдияр Айтпаев

Бұдан әрі оқыңыз

Тұтынушылардың құқықтарын қорғау
Өңір жұртшылығы Құрбан айт мерекесін қарсы алды
Облыс әкімі Есіл ауданына барып қайтты
Өңірдің жаңа логотипі таныстырылды
Петропавлда микроөсімдік өсіру технологиясы оқытылуда
«Мерейлі отбасы» облыстық байқауының жеңімпаздары анықталды
Өңірде халық санағының бірінші кезеңі қорытындыланды
Сенаторлар жергілікті депутаттармен кездесу өткізді
Өңірде көші-қонға қатысты ахуал тұрақты
Батыстағы ағайынға көмек
Этномәдени бірлестік өкілдері қала күнін атап өтті
Америкадан келген меймандар “Оқушылар сарайында” болды