Аққайың ауданында ауыл шаруашылығы өнімдерінің жәрмеңкесі өтті

Аптадағы маңызды жаңалықтар

22:46 16 Шілде 2021

Сағат таңғы 8, далада жауын жауып тұр. Соған қарамастан аққайыңдық ағайын орталық алаңға жапа-тармағай жиналуда. Өйткені, әр жұма күні мұнда ауыл шаруашылығы өнімдерінің жәрмеңкесі ұйымдастырылады. Владислав Каптюк елді мекенге Көктерек ауылынан сағат 7 болмай келіп алған. Азамат жәмеңкеге 200 келі сиыр етін әкеліпті. 1 жарым сағаттың ішінде тұрғындар өнімнің 110 келісін сатып алған.

Владислав Каптюк, Көктерек ауылының тұрғыны, Аққайың ауданы:

– Ата-анам бала кезімнен мал шаруашылығымен айналысып келеді. Бұл істі қазір мен жалғастырудамын. Жәрмеңкеге 7 жыл бойы шығып жүрміз. Иелігімізде 7 бас қара мал бар. Оның жем-шөбін өзіміз дайындаймыз. Кейін үйде ірі қараны сойып, жәрмеңкеге шығарып сатамыз. Еттің бір келісі 2 мың теңге тұрады.

Еттен бөлек, бұл жерден жеміс-жидек, көкөніс пен сүт өнімдерін де кездестіруге болады. 70 жастағы Данипраз Шуканова 4 келі ірімшік, осынша литр қаймақ пен жұмыртқа әкелген. Шамалы уақыттың ішінде келушілер бәрін бөлісіп алып кетіпті. Тек сүт пен кішкене ірімшік қана қалған.

Данипраз Шуканова, Трудовое ауылының тұрғыны, Аққайың ауданы:

– Ірімшікті 600-ден, сүтті 400-ден, жұмыртқаны да 400 теңгеден саттым. Ал, қаймақ 750-ден. Майдың бағасы – 3500. Өзімнің сиырымның сүті, қаймағы, ірімшігі.

Жүре берсең, іздегеніңнің бәрін табуға болады. Мұндай қайнаған жәрмеңке аудан тұрғындарының да көңілдерінен шығуда. Айтуларынша, дүкен-дүкенді аралаудың қажеті жоқ, осыннан-ақ керегіңді арзан бағаға сатып ала аласың.

 Жұма қасиетті күні үйден аяңдап шығамын да сүтімді, қаймағымды, майымды 1 жұмаға жететіндей сатып аламын. Сатушыларға рахмет. Бәрі көңілімнен шығады. Алаңға шығып біраз бой жазып қаламын.

– Жәрмеңкедегі бағалар дүкендерге қарағанда әлдеқайда төмен. Бүгін үйге сүт өнімдерін сатып алдым. Барлығы – пайдалы әрі табиғи таза өнімдер.

Смирновода әр апта сайын өткізілетін жәрмеңке бүгін ерекше. Өйткені, мұнда азық-түлікпен қоса малға жем-шөп пен отын да сатылымға қойылған.

Рүстем Елубаев, Аққайың ауданының әкімі:

The YouTube ID of Insert video URL or ID here is invalid.– 15 мыңнан 60 тонна шөп әкелінді. 3 машина жем бар. 190 теңгеден картоп пен 180 теңгеден маркоп та сатып жатырмыз. Оның үстіне кубы 6 мың теңге болатын ағаш сатылымда бар. Жарылғаны – 7500 теңге.

– Мынадай қуаңшылық жылы жеп-шөп тапшы. Бүгін зейнеткерлерге көп көмек тиіп қалды. Өзім шөп алайын деп тұрмын. Бағасы қолжетімді.

–  Тұрғындардың бәрі қуанып қалды. Өйткені, сатылымда бидай да бар. Алысқа барып, әуре болудың қажеті жоқ. Ең бастысы – бағалары тиімді.

Дәстүрлі жәрмеңкеге Аққайыңдағы 12 ауылдың адамдары белсене ат салысты. Енді әрдайым орталық алаңдағы саудада ауыл шаруашылығына қажетті өнімдер сатылып отырады.

Алтынай Казиканова

Бұдан әрі оқыңыз

Өңірде мал азығы мен азық-түлік жәрмеңкесі өтті
СҚО вакциналанғандардың саны бойынша алда келеді
Соколов орман шаруашылығында 100 мың текше метр отын дайындалады
Облыстық әкімдік отырысында сумен қамту мәселесі талқыланды
Өңірге келген Сенат депутаттары бірқатар нысандарды аралады
Алдағы 5 жылда 80-ге жуық инвестжоба жүзеге асырылады
Мамлют, Жамбыл пен Есіл аудандарының 18 елді мекені ауызсумен қамтылды
Ақсап тұрған жол сапасы әкімдік отырысында айтылды
Сенаторлар М.Жұмабаев ауданында болды
Өңірде «Северный бройлер» құс фабрикасы салынып жатыр
Шал ақын ауданында спорттық-сауықтыру кешені ашылды
Өңірге іс-сапармен Мәжіліс депутаттары келді