Петропавлда дүкенде бірнеше ұрлық жасаған ер адам ұсталды.30 жастағы жігіт тұрмыстық техника сатылатын танымал дүкеннен бірнеше қатты дискіні қолды еткен. Онымен қоймай, тағы құлаққапты да қалтаға басқан. Жалпы сомасы – 280 мың теңгенің дүниесі ұрланған.
Қолының жымысқысы бар жігіт бейнебақылау камерасының көмегімен анықталған. Бұрын ұрлық үшін жауапкершілікке тартылған. Аталған факті ҚР Қылмыстық кодексінің 188-ші бабы – “Ұрлық” бойынша сотқа дейінгі тергеп-тексерудің бірыңғай тізіліміне енгізілді. Ұрланған заттардың жартысы ломбардтан табылған. Қалғаны іздестіріліп жатыр.
Данаш Хамзина