Заңға қайшы әрекет байқаған тұрғындар оны суретке немесе видеоға түсіріп алып, «102» мобильді қосымшасына да жолдайды. Бұл жүйеге бүгінге дейін 170-ке жуық материал түскен. Басым бөлігі бойынша айыпты тұлғалар әкімшілік жауапкершілікке тартылыпты. 2 жағдай сотқа дейінгі тергеп-тексерудің бірыңғай тізіліміне енгізілген.
Жедел-басқару орталығына күніне 130-ға жуық қоңырау келіп түседі. Ал 6 ай ішінде мамандар 80 мың арыз-шағым қабылдаған.
Алена Ткаченко, СҚО ПД штабының аға инспекторы:
– Қаладағы бейнебақылау камераларының көмегімен 8300-ден астам әкімшілік құқықбұзушылық тіркелді. Оның 6 мыңнан астамы жолда жүру ережелерін бұзуға қатысты. Қоғамдық орында ішімдік ішу бойынша 1500-ден астам факті анықталды.
Қазіргі таңда өңірде тәулік бойы 1400-ден астам бейнебақылау камерасы жұмыс істеп тұр. Оның 410-ы – облыс орталығында.
Алтынай Казиканова