Қағидалар қарапайым, бірақ, қатаң ұстану қажет. Оның есте сақтау да қиын емес. Балалар тәртіп сақшыларының айтқанын ұйып тыңдады, сұрақтарын қойды.
Захар Петров, оқушы:
– Бүгін бізге тәртіп сақшылары жол қозғалысын ережелерін түсіндіріп қана қоймай, сыйлықтар сыйлады. Түнде ата-анамыздың қарауынсыз жүруге болмайтындығын айтты.
Облыс аумағында 9 жазғы лагерь бар. Екеуі – қала маңында.
Оқушылардың уақыттарын тиімді өткізу ғана емес, олардың қауіпсіздігі де басты назарда. Осы орайда тәртіп сақшылары жазғы лагерьлерде күні-түні кезекшілік атқарады. Балалармен жиі жүздесулер өткізіп, ақыл-кеңестерін айтады.
Айгүл Кәрімова, қалалық полиция басқармасының аға инспекторы:
– Қазіргі уақытта біз «Аққайың» сауықтыру лагеріндеміз. Бүгінгі таңда бұнда 185 бала демалуда. Мұнда келудегі басты мақсатымыз – балаларды қандай болмасын қауіптен қорғау, сондай-ақ, оларға полиция тарапынан құқықтық көмек көрсету.
Биыл өңірдегі жазғы лагерьлерде 7 мыңға тарта бала демалады.
Алдияр Айтпаев