Өткен демалыс күндері өңірде 4 адам суға кеткен

ТЖД

20:57 7 Шілде 2021

Өткен демалыс күндері өңірде 4 бірдей адам суға батып кетті. Сұмдық жағдайлардың барлығы шомылуға рұқсат етілмеген жерде орын алған.

Оқыс оқиғалардың соңғысы күні кеше Тайынша ауданына қарасты Виноградовка селосының маңында болды. 29 жастағы нәзікжанды Шағалалы өзеніне достарымен демалуға барған көрінеді. Абайсызда аяғы тайып, суға құлап кеткен. Анықталғандай, бұл кезде марқұм масаң күйде болыпты. Айыртау ауданындағы Лобаново өзенінде 35 жастағы тұрғын құрбан болды. Ол кешқұрым суға шомылуға барған.

Осыған ұқсас жағдай Ғабит Мүсірепов ауданында Есіл өзенінде орын алған. 94-ші жылы туған жігіт шомыламын деп батып кеткен. Құтқарушылар денесін келесі күні ғана тауып алып шыққан екен. Оқиғаның анық-қанығы анықталып жатыр.

Әлібек Боромбаев, СҚО ТЖД азаматтық қорғаныс офицері:

– 4-шілде күні Есіл ауданына қарасты Явленка селосының маңында тұрғынның денесі іздестірілді. 1970 жылы туған ер адам бір күн бұрын кешкі 6-лар шамасында үйінен шығып кетіп, қайта оралмаған. Денесі жасанды су қоймасынан ертесіне таңғы 8 кезінде табылды. Қалған мәлімет сот сараптамасы кезінде анықталады.

Алтынай Казиканова

Бұдан әрі оқыңыз

Петропавлда екі қабатты нысаннан өрт шықты
Шаһарда өрт сөндірушілер арасында жарыс өтті
Өңірде өрт тыйылмай тұр
Немересін судан құтқарып, өзі батып кетті
Құтқарушылар өзен-көлдерде кезекті мәрте рейд өткізді
Құтқарушылар балаларға суда жүзуді үйретті
Жұмысшы кентінде өрттен 2 адам қаза тапты
“Семейный” сауда үйінен өрт шықты
Айыртау ауданында орманды алқаптан өрт шықты