Өзінің жеке пәтеріне қол жеткізуді арман еткен шенді азаматтар жұмыс орнынан үй төлемін алатындығы жөніндегі анықтама алуы тиіс. Кейін сол құжатты “Отбасы Банк”-ке табыс етуі қажет екен. Кейін қаржы ұйымының мамандары арнайы шот ашады. Үй құнының белгілі бір көлемі жиналғаннан кейін жылдық 8 пайыздық мөлшерлемемен қарыз беріледі. Айта кеткен жөн, банк мамандарына жолығу үшін интернет-банкинг арқылы алдын ала өтінім беру қажет.
Назерке Ғалым – “Отбасы Банк” АҚ СҚОФ бизнесті дамыту бөлімінің маманы:
– Ең төменгі алдыңғы жарнамен, яғни 15%-бен 45 млн-ға дейін, ал алдыңғы жарна 50% болса, онда 90 млн-ға дейін несие рәсімдеуге болады. Айта кету қажет, бұл бағдарламада жасқа деген немесе еңбек өтіліне деген ешқандай шектеу қойылмаған. Тек несие рәсімделсе ғана кез келген қаладан баспана алуға болады.
Алдияр Айтпаев