Петропавлдағы ҰҰ ӘИ аумағында 3 жаңа корпус салынады

Аптадағы маңызды жаңалықтар

0:21 7 Мамыр 2021

660 адамға шақталған казарма, спортзал мен оқу-жаттығу орны. Петропавлдағы Әскери институт аумағында 3 жаңа корпус салынады. Нысандардың құрылыс жұмыстары бүгін бастау алды. Шаруа «Оңдасын строй» серіктестігіне сеніп тапсырылған. Құны 9 млрд теңгеден асатын жобаның жүзеге асырылу барысымен облыс әкімі Құмар Ақсақалов арнайы барып танысты.

Ұлттық ұланның Әскери институтында мыңнан астам курсант білім алады. Әскери оқу орнының былтыр 2 бірдей нысаны жөндеуден өткен. Курсанттар тамақтанатын асхана жаңартылып, ескі қойма оқу-жаттығу жұмыстарын жүргізуге бейімделіп жаңғыртылыпты.

Бауыржан Әбжанов – ҚР ҰҰ Әскери институтының бастығы:

– Перед вами находится тренажеры. Это – Урал. А, это – Камаз.

Ғимараттың мына бөлігінде заманауи атыс тирі орналасқан. Арнайы көздеу нысанасының орнына 3Д экран қолданылады. Автоматтың да түр-түрі бар.

Бауыржан Әбжанов – ҚР ҰҰ Әскери институтының бастығы:

– Бұрын курсанттар атыс жаттығуларын өткізу үшін полигонға, алысқа – бірнеше шақырым жерге баратын. Күн суытқанда дайындық жұмыстарын кейінге шегеруге тура келетін. Енді жігіттер қыста да, жазда да осында келіп, әскери дайындықтан өте алады.

Алдағы уақытта институттың дәл жанынан жаңа 3 корпус бой көтермек. Олар: оқу нысаны, спортзал мен 660 орындық казарма. 3 нысанның да құрылысы бүгін басталып кетті. Құрылысқа «Оңдасын строй» серіктестігі жауапты. Облыс әкімі Құмар Ақсақалов құрылыс жұмыстарының бастау алуын байқады.

Бауыржан Әбжанов – ҚР ҰҰ Әскери институтының бастығы

– Здесь будет АКТ зал на 800 мест. Помимо этого будем размещать музей института и кофейня.

Дәл қазір институттың жанындағы бос орында 4 техника жүйіткіп жүр. 3 корпус орналасатын орын тегістеліп, құм аралас топырақ төгіліп жатыр.

–  Из республиканского бюджета выделено 9,1 млрд теңге. На этот год 1 млрд тенге.

Одан бөлек, биыл институтта магистратура ашу жоспарланып отыр. Тиісті құжаттардың барлығы жинақталып, бейінді министрлікке жолданған. Өтінім мақұлданса, жоғарғы оқу орнына «академия» дәрежесі беріледі. 150-ден астам білікті маман тартылмақ.

Құмар Ақсақалов – Солтүстік Қазақстан облысының әкімі:

– Петропавл жастардың қаласы болуы керек. Ол үшін ең біріншіден универсиеттің материалдық техникасы жаңарады. Оған республикалық бюджеттен біраз ақша бөлінеді.  Әскери институтта үлкен құрылыс басталды. 2 жылдың ішінде аяқталады.

Сондай-ақ, М.Қозыбаев атындағы СҚУ-де де биыл 2 жатақхананың құрылысы бастау алмақ. Қос нысан 1200 адамға арналған.

Маржан Касымбек

Бұдан әрі оқыңыз

Жазғы лагерьлердің дайындығы пысықталды
Петропавлда майлы дақыл өңдейтін зауыттың құрылысы басталды
«QYZYLJAR art» орталығы ашылды
Облыстық ҚХА-ның XXV сессиясы өтті
Онкологиялық орталыққа жаңа МРТ аппараты қойылды
Березовка селосында мал бағатын жер жоқ
СҚУ-да қуғын-сүргін құрбандарын еске алу күніне арналған жиын өтті
«Е-өтініш» ақпараттық жүйесі іске қосылады
Петропавлда фармацевтикалық зауыт салынады
Облыстық әкімдіктің отырысы өтті