Интернет-алаяқтар бағдарламашы маманды сан соқтырып кетті

МТРА жаңалықтары

21:00 28 Сәуір 2021

Петропавлда интернет-алаяқтар бағдарламашы маманның өзін оп-оңай сан соқтырып кетті. Жақында жергілікті полицейлерге оқу орындарының бірінде жұмыс істейтін қызметкер жүгінген.

Ол ойда-жоқта қулардың құрығына түсіп қалыпты. Ер адам компьютердің жүйелік тақтасын сатып алу мақсатымен ғаламторды ақтарып отырып, бір жарнамаға көзі түседі. Кейін, “айлакер сатушымен” хабарласады. Алаяқ жылы сөйлеп, “Ақша оңай аударылатын бағдарлама бар, қазір соны сізге жіберейін, соған кіріңіз де өзіңіздің жеке деректеріңізді жазыңыз, мен ештеңе білмейтін боламын” деп алдап соғады. Бағдарламашы пысықайдың айтқанын екі етпей орындайды. Сол сәтте оның компьютерін әлгі қу қашықтықтан басқару мүмкіндігін иеленген екен. Осылайша, қас-қағым сәтте жәбірленушінің картасынан 78 мың теңгені шешіп алған. Полицейлер тұрғындарға интернет кеңістігінде аса сақ болуға, жеке деректерді ешкімге бермеуге және түрлі сілтемелерге өтіп, күдік туғызатын жандармен байланыс орнатпау қажеттігін ескертеді.

Байболат Култанов

Бұдан әрі оқыңыз

Ұлы Жеңістің 76 жылдық мерейтойына арналған челлендж
Әйелдерге арналған “Ұмай” атты ипотекалық бағдарлама іске қосылды
Сүйікті ісін кәсіпке айналдырған жан
СҚО-да балықтардың уылдырық шашу маусымы басталды
Аққайың ауданында жанар-жағармай ұрлау фактісі тіркелді
Жастар ардагерлердің өсиеттерін тыңдады
СҚО тағы да «сары» аймақта
Өңірде “Ashyq” қосымшасы пилоттық режимде іске қосылды
Полиция департаментіне заңсыз сақталған 23 қару тапсырылды
Жыл басынан карантин талабы қанша мәрте бұзылды
Ерлікке тағзым
Мұғалімдер мен директорларды жұмысқа қабылдау туралы ортақ ереже енгізіледі