14 жасөспірім профилактикалық есепке алынды

Құқық қорғау органдары

20:05 20 Сәуір 2021

«Түнгі қаладағы балалар». Петропавлда / осындай атаумен / бір апта бойы / жедел-алдын алу шарасы жүргізілді. Оның барысында / түнгі уақытта заңды өкілдерінсіз көше кезген / 14 жасөспірім ұсталып, профилактикалық есепке алынды.

 

Ойын-сауық орындары, саябақтар мен аулалар. Полицейлер түнгі рейд барысында кәмелетке толмаған ұл-қыздар жүруі мүмкін барлық орынды жіті тексерді. Себебі, аталған жерлерде жастардың қатысуымен құқық бұзушылық орын алуы әбден мүмкін.

Айгүл Кәрімова – қалалық ПБ ювеналдық полиция тобының аға инспекторы:

– Іс-шараға білім беру мекемелерінің, “Nur Otan” партиясының өкілдері, сонымен қатар, біздің ювеналдық полиция бөлімшесінің қызметкерлері қатысуда. Іс-шараның мақсаты – жасөспірімдерді ойын-сауық мекемелерінде, үйден тыс жерлерде анықтау, сонымен қатар, жастармен және оларға қатысты жасалатын қылмыстардың алдын алу.

«Түнгі қаладағы балалар» деп аталған іс-шараның қорытындысы бойынша 36 әкімшілік хаттама толтырылған. Оның 27-сі – заңды өкілдерінсіз түнгі уақытта жүрген жасөспірімдерге қатысты. Сондай-ақ, профилактикалық жұмыс барысында полицейлер тұрғылықты жері бойынша тұрмысы төмен 111 отбасыны тексерген.

Елена Завьялова – қалалық әкімдік жанындағы кәмелетке толмағандардың істері және олардың құқықтарын қорғау жөніндегі комиссияның хатшысы:

– Кәмелетке толмағандардың істері жөніндегі комиссия 18 жастан аспаған жастар арасындағы құқық бұзушылықтардың алдын алу бойынша жұмыс істейді. Негізгі міндетіміз – тұрмысы нашар отбасыларды, девиантты мінез-құлықты жасөспірімдерді анықтау.

Сонымен, облыста 5 күн ішінде полиция бөліміне кәмелетке толмаған 230 бала жеткізілді. 300-ге тарта құқық бұзушы анықталды. Оның 200-ге жуығы түнде үйден тыс жерде, ойын-сауық мекемелерінде жүрген. Профилактикалық есепке 14 ұл-қыз бен тұрмысы нашар 42 отбасы алынды.

Алдияр Айтпаев

 

Бұдан әрі оқыңыз

Тайыншалық тұрғыннан 2 келіден аса есірткі тәркіленді
Өңір полицейлері түнде ұрлыққа түскен қарақшыларды ұстады
Облыстың қылмыстық-атқару жүйесінде 10-ға жуық ұлт өкілі еңбек етеді
Масаң күйде көлік ұрлаған Бескөл тұрғыны ұсталды
“Қазақстанның болашағы – жастардың қолында” атты дебат өтті
Петропавлда масаң күйде көлік басқарған жүргізуші ұсталды
Өңірдің құқық қорғау саласында цифрлы қызмет көрсету дамып келеді
Полицейлер 29 жастағы пәтер ұрысын қолға түсірді
18 адам ішімдік ішіп алып көлік басқарған
Тұрғындар үй жануарларын серуендету ережесін сақтауы тиіс
Петропавлда көршісінің тынышын қашырған жігіт жауапкершілікке тартылды
Өңірде 3 айдың ішінде 560 тұрмыстық зорлық-зомбылық фактісі тіркелген