Бұл жайлы Мемлекеттік хатшы Қырымбек Көшербаевтың төрағалығымен өткен Шетелде кадрлар даярлау жөніндегі республикалық комиссияның кезекті отырысында айтылды. Президент осы турасында әуелде «Жаңа жағдайдағы Қазақстан: іс-қимыл кезеңі» атты Жолдауында тапсырма берген болатын. Араға біршама уақыт салып маңызды міндет орындалып отыр. “Болашақ” бағдарламасы шеңберінде тағылымдамадан өтуге арнайы санаттар бекітілді. Олар: ғалымдар, денсаулық сақтау саласының қызметкерлері, педагогтар, мемлекеттік қызметшілер мен инженерлік-техникалық мамандық иелері. Іске қанша қаржы бағытталатыны алдағы уақытта мәлім болмақ. Нақты сома тәжірибе алуға ниет білдірген жандардың өтінішін қарау кезінде есептеледі екен.
Маржан Касымбек