М.Айтхожин атындағы №1 орта мектеп 2 апталық карантинге жабылды

COVID-19: Қазақстан, Білім

21:13 15 Сәуір 2021

Аталған мектеп осы күнге дейін штаттық режимде жұмыс істеді. Алайда, көктемгі демалыстан шыққан соң 5 оқушыдан коронавирус инфекциясы табылыпты. Олар: 1-ші, 8-ші және 9-шы сыныптың ұл-қыздары. Оқу ошағының директоры Алексей Курленяның айтуынша, сырқаттанып қалған жандар аурудың симптомсыз түріне шалдыққан. Себебі, мектепке кірерде алдымен барлығының дене қызулары өлшенеді. Дертті жұқтырғандардан күдік тудыратын жағдай тіркелмепті. Сондай-ақ, оқушылармен тікелей байланыста болған 3 мұғалім қашықтықтан жұмыс істеуге ауысты. Абырой болғанда, педагогтар қауіпті індетті жұқтырмапты. Әзірге, білім ұясы 2 апталық қашықтықтан оқуға көшірілді. Айта кеткен жөн, бүгінде мектепте 1200-ге жуық ұл-қыз білім алады.

Алексей Курленя – Мұрат Айтхожин атындағы №1 орта мектебінің директоры:

– Дерттің таралуын одан әрі күшейтпес үшін оның алдын алып, карантинге жапқан дұрыс деп ойлаймын. Себебі, ауру айтып келмейді. 4-ші тоқсанды тыныш бастаған болатынбыз. Мұндай жағдайдың орын аларын, шыны керек, күтпедік. Барлығы тезірек сауығып, дәстүрлі оқу форматына ауысамыз деген ниеттеміз.

Алтынай Казиканова

Бұдан әрі оқыңыз

Өңірде “Ashyq” қосымшасы пилоттық режимде іске қосылды
Сәуірде 2 млн-нан астам қазақстандық иммундау шарасынан өтеді
М.Қозыбаев атындағы СҚУ-де сертификатталған оқыту орталығы ашылды
Биыл ҰБТ электронды форматта өтеді
СҚО-да 3 мектеп қашықтықтан білім беру әдісіне көшірілді
Өңірде шектеу шаралары тағы да жеңілдетілді
Педагогикалық ККО-ның міндеті
СҚО-дағы эпидахуал
“QazVac” вакцинасы 463 солтүстікқазақстандыққа егілді
Бірлік – көптүрлілікте
СҚО-ға сәуір айының соңына дейін 17 мыңнан астам вакцина жеткізілмек
СҚО “жасыл” аймаққа өтті