Назарбаев көшесіндегі үйлердің бірінде пәтер жалдаған 19 жастағы жігіт жолдастарымен отырыс жасап, музыканы қатты қойған. Ол тұрғындарға таңғы 5-ке дейін маза бермепті. Ескертуді елемеген соң полиция қызметкерлері шақыртылады. Ақыры жігіт жауапкершілікке тартылды. Оған қатысты ҚР Әкімшілік құқық бұзушылық туралы кодексінің 437-бабы – “Тыныштықты бұзу” бойынша хаттама толтырылып, 8 мың теңгеге жуық айыппұл салынды. Жалпы, жыл басынан бері облыс орталығында тұрғындардың тыныштығын бұзуға қатысты 800-ден астам факті тіркелген.
Алтынай Казиканова