Үкімет басшысының айтуынша, Петропавлда тұрмыстық газдың жарылуы, Жамбыл облысының Жаңатас қаласында және Қызылордада өрт шығу фактілеріне қатысты тиісті сараптамалар тағайындалды. Қазір оқыс оқиға орын алған орындарда өрт-техникалық, сот-медициналық және жарылыс-техникалық тексерулер жүргізілуде. “Оның қорытындысы бойынша кінәлі тұлғалар жауапқа тартылады”,- деді Асқар Мамин. Еске сала кетейік, ақпанның 21-і күні Интернационал көшесіндегі жатақханада болған жарылыстың салдарынан 13 адам жарақат алып, 3 кісі қаза тапты.
Асқар Мамин – ҚР Премьер-Министрі:
– Тергеу іс-қимылдары аяқталғаннан кейін, тиісті лауазымды адамдардың іс-әрекеттеріне баға беріледі және олардың жауапкершілігі анықталады. Өрттер бойынша қылмыстық істерді тергеу барысы Ішкі істер министрлігінің бақылауында тұр.
Жанна Бисенова