Қалада тығылып той өткізген тойханалар анықталды. “Эмират” мейрамханасы карантиндік шектеулерді бірнеше рет бұзған.
Уақытқа қатысты шектеулер сақталмаған, қонақтар рұқсат етілген көлемнен көп қабылданған.
Сондай-ақ, “Созвездие” мейрамханасы мен “Аквамарин” моншасына қатысты да айып тағылып отыр. Бұл туралы тиісті материал жинақталып, қалалық санитариялық-эпидемиологиялық бақылау басқармасына жолданған. Карантинді бұзған тұлғаларға айыппұл салынады.
Сейілбек Елжасов – қалалық ЖПҚБ бастығының орынбасары:
– Облыс орталығында ӘҚБтК-нің 425-бабы бойынша 201 тәртіп бұзушылық тіркелді. Оның 38-іне кәсіпкерлік объектілер және 163-іне жеке тұлғалар жол берді. Ең көп таралған тәртіп бұзушылық маска режимін бұзу бойынша болды. 126 адам бұл тәртіпке бағынбаған.
Алдияр Айтпаев