Өңірдің бас санитарлық дәрігерінің жаңа қаулысы шықты

Денсаулық сақтау

21:06 11 Наурыз 2021

Балабақшалардың толық құрамда жұмыс істеуіне рұқсат етілді. Енді кезекші топтар ғана емес, балабақшаға балалардың барлығы келе алады. Тек ата-аналарға ішке кірулеріне тыйым салынған. Оқушы саны 300-ден аспайтын мектептер де оқудың дәстүрлі қалпына қайта оралады. Егер бала саны 300-ден көп болса сабақ беру барысы аралас форматта жүргізіледі. Білім беру нысандарында әлі де ауқымды іс-шара өткізуге болмайды. Бейінді департамент басшысының міндетін атқарушы Татьяна Горлованың айтуынша өңірде карантинге қойылған мектептер бар.

Татьяна Горлова – СҚО санитарлық-эпидемиологиялық бақылау департаменті басшысының міндетін атқарушы:

– Санитарлық талаптардың қатаң сақталуына қарамастан өңір бойынша 5 мектеп әлі де карантинде. 4-уі – Қызылжар ауданының, біреуі – Ғ.Мүсірепов ауданының білім ошағы. Жалпы, 1-ші қыркүйектен бастап коронавирус 633 оқушының бойынан табылды. Соңғы күндері шәкірттер арасында COVID-19-ға шалдығу жағдайлары тіркелген жоқ. Дегенмен, білім беру ошақтарында маска тағып, әлеуметтік қашықтықты сақтап жүру керек.

 

Жанна Бисенова

 

Бұдан әрі оқыңыз

Денсаулық сақтау басқармасының өкілдері кәсіпкерлердің сұрақтарына жауап берді
Қауын-қарбыздың сапасы тексерілді
Қозыбаев университетінің әкімшілігі вакцина алған жандарға сыйлық береді