Жарылыс болған жатақханада шұғыл қалыпқа келтіру жұмыстары басталды.
Апаттың салдарынан нысанның 1-ші және 2-ші қабатындағы бөлмелер қатты зақымдалған болатын. Кейбіреуінің, тіпті, есік-терезелері қирап, қабырғалары опырылып түскен еді. Ғимараттың жарамдылығы қазір анықталып жатыр. Дегенмен, бүгіннен шұғыл қалыпқа келтіру жұмыстары жүргізілуде.
Асқар Хабибулин – Петропавл қаласы әкімінің орынбасары:
– Қазір жергілікті “Стадия” серіктестігі нысанға сараптамалық жұмыс жүргізуде. Мамандар 1 аптаның ішінде шығын көлемін есептеп, қандай шаруа атқару қажеттігін анықтайтын болады. Жөндеу жұмыстарына қаржы қалалық бюджеттен бөлінеді. Бүгінде мұнда жылу желілері қалыпқа келтірілуде, жаңа терезелер орнатылуда.
Бисенова Жанна