Соколовкада шектеу шаралары күшейтілді

COVID-19: Қазақстан

21:42 15 Ақпан 2021

Бүгіннен бастап Қызылжар ауданына қарасты Соколовка селосында шектеу шаралары күшейтілді

Елді мекендегі ахуал біраз уақыт бойы тұрақты болды. Алайда, ақпан айының басынан бері ауылдағы 18 бірдей адамның тәж вирусын жұқтырғаны анықталып отыр. Індеттің таралуын бәсеңдету үшін аймақтық санитарлық-эпидемиологиялық қызмет штабы осындай шешімге келді. Енді күшейтілген карантин қағидаларын жіпке тізейік. Соколовкадағы нысандардың жұмыс уақыты кешкі 7-ге дейін қысқарды. Сондай-ақ, ауылдағы мектеп оқушылары түгелімен қашықтықтан оқуға көшірілді. Дегенмен, ауыл жабылмайды, бақылау бекеті қойылмайды.

Жангелді Ибраев – Қызылжар ауданының бас санитарлық дәрігері:


–  Сондай-ақ, көрші-қолаң мен туған-туыстың бір-бірінің үйлеріне баруларына шектеу қойылып отыр. Және қоғамдық орындарда медициналық маска тағу міндеттелді. Барлық тұрғындарға, әсіресе, 65 жастан асқан жандарға сағат кешкі 22:00-ден кейін көшеге шығуға рұқсат етілмейді. Ал жалпы аудандағы жағдайға келетін болсақ, індеттің таралуының төмендегені байқалады. Өткен аптада ауданда COVID-19-ды 43 адам жұқтырып алған. Ал оның алдындағы жұмада бұл көрсеткіш 69-ды құраған болатын.

 

Казиканова Алтынай

Бұдан әрі оқыңыз

Солтүстік Қазақстан облысы “сары аймаққа” өтті
Вакциналау науқаны
Өткен тәулікте 40 солтүстікқазақстандықтан коронавирус анықталды
Кеше 79 солтүстікқазақстандық коронавирус жұқтырған
Медициналық көмектің сапасы – назарда
Өткен аптада әлемде 96 мыңнан астам адам короновирустан көз жұмды
Мониторингілік топ қаладағы ауруханаларды тексерді
Үш күнде 900 жерлесіміз иммундау шарасынан өтті
Жексенбіден бастап театрлардың жұмысы жанданады
Постковидті асқыну деген не?
Вакциналау науқаны жалғасуда
Облыста 1025 адам вакциналанды