Мұғалімдерге арналған консультативтік-кеңесші орган құрылды

Білім

19:45 12 Ақпан 2021

Педагогтардың мәртебесін көтеріп, абыройын арттыру. Осындай мақсатта елдің Білім және ғылым министрінің тапсырмасымен облыстық  білім саласында сапаны қамтамасыз ету департаментінде  консультативтік-кеңесші орган құрылды. Бүгін аталған ұйымның алғашқы отырысы өтті.

Баян Ахметова – педагогикалық еңбек ардагері. Ол мұғалімдік жолды 81-ші жылы Уәлиханов ауданында бастапты. Содан бері оқушыларға бар білгенін үйретіп келеді. Және ең бастысы – облыстағы білім сапасын арттыруға өз үлесін қосуда. Нәзікжанды зейнетке шыққанына қарамастан әлі күнге дейін ұл-қыздарға сабақ беруден жалықпаған. «Жаңадан ашылған орган қоғамдағы педагог мәртебесін арттыруға септеседі»,-дейді.

Баян Ахметова – педагогикалық еңбек ардагері:

– Қазіргі уақытта Білім және ғылым министрлігі тарапынан мұғалімдердің мәртебесін арттыру бойынша бірталай жұмыс атқарылып жатыр. Бұл жайында заңға да енгізілді. Осы заң бойынша ұстаздар өз құқықтарын қорғай алады.

Педагогтік әдеп мәселелері жөніндегі консультативтік-кеңесші орган өз жұмысын
былтыр Нұр-Сұлтан қаласында пилоттық режимде бастаған болатын. Жоба оң нәтиже беріпті. Сол себепті, мұндай ұйым Білім және ғылым министрі Асхат Аймағамбетовтың тапсырмасымен барлық облыстарда құрылуда. Бұл орган ұстаздардың педагогикалық әдеп нормаларын сақтауын қадағалаумен айналысады. Сондай-ақ, мұғалімдердің құқығы да назардан тыс қалмайды.

Айнагүл Сұрағанова – СҚО білім саласында сапаны қамтамасыз ету департаментінің басшысы:

– Бұл органға 11 адам мүшелік етеді. Оның ішінде облыстық, қалалық мәслихаттардың депуттары, педагогика саласының ардагерлері, кәсіподақ ұйымының мүшелері, қалалық білім бөлімінің қызметкерлері кіреді.

Балаларды білім нәрімен сусындатып жүрген мамандар кез келген жағдайға тап болуы мүмкін. Мәселен, ата-аналар немесе басшылық тарапына түсініспеушілік орын алып жатады. Мұндай жағдайда алдымен мектептегі педагогикалық этика кеңесіне жүгінуі керек. Егер мәселе шешемін таппаса, онда консультативтік-кеңесші органға хабар бере алады.

 

 

 

Казиканова Алтынай

 

Бұдан әрі оқыңыз

Петропавлдық оқушы “ақылды қоқыс жәшігін” ойлап тапты
СҚО-да ҰБТ-ның алғашқы кезеңінде 2062 оқушы сынақ тапсырды
“Өрлеу” филиалында онлайн-вебинар өтті
Kozybaev University докторанты 50 млн теңгенің грантын ұтып алды
Дуалды оқыту жүйесінің тиімділігі
Республикалық пәнаралық олимпиаданың 3-кезеңі бастау алды
СҚО-да жоғары сынып оқушылары арасында пәндік олимпиаданың 2-ші кезеңі өтуде
СҚО-да 2 мыңнан астам адам арнайы курсқа бару арқылы қазақ тілін меңгеруде
“Туған елге тағзым” жобасының қорытындысы жарияланды
Биыл өңірде 5 колледждің материалдық-техникалық базасы жаңғыртылады
Жергілікті университетке жаңа ректор тағайындалды
Мұғалімдердің еңбекақысы 25 пайызға артты