Қыс басталғалы өңірде 44 рет дауылды ескерту жарияланған.
Алайда, тұрғындар арасында ескертуді елемегендер де бар. Осы аптаның өзінде төтенше жағдайлар қызметкерлеріне үш рет шақырту түскен. Оқиғалардың бірі 3-ші ақпан күні таңғы сағат 7 шамасында Тимирязево ауданындағы Дмитриевка селосының маңында болған. Ат құлағы көрінбейтін боранда 2 ауыр жүк көлігі жолдан шығып кетіп, қар құрсауында қалып қойған екен. Оларды тізгіндеген жандарға жедел арада көмек көрсетілді. Жүргізушілер көліктерімен бірге аудан орталығына дейін жеткізілді.
Алдияр Айтпаев