Бүгін елдегі Назарбаев Зияткерлік мектептері арасында өткен “Туған елге тағзым” жобасының қорытындысы жарияланды. Республикалық өнертапқыштар байқауына жергілікті білім ошағынан 10 жұмыс жіберіліпті.
Сайыста солтүстікқазақстандық шәкірттердің бірі 3-ші орын еншілеген. Ал қалғандары сертификатка ие болып отыр. Солардың бірі – Мағжан Мақтабек. Ол 1 айдың ішінде қаладағы “Қалыңдық үйінің” макетін әзірлепті. Ал Даяна Белялова “Абылай хан резиденциясы” музей кешеніне арнап онлайн-квест ойынын құрастырған.
Жалпы, қашықтықтан ұйымдастырылған байқаудың мақсаты – оқушыларды туған өлкені құрметтеуге, өнерге баулу. Жиын соңында еңбектері еленген ұл-қыздарға сертификаттар табыс етілді.
Данияр Уәлиев – Химия-биология бағытындағы НЗМ директоры:
– Бұл жобада ең бастысы – ІТ-технологияларды қолдану. Және жобаның пайдасы өңіріміздегі киелі жерлерді таныстырып, дамыту болып табылады.Жұмыстардың барлығы шаң басып қалмау үшін дөңгелек үстелде объектілерге табысталады.
Ешкенова Дана