Үстіміздегі жылы Қазақстанда халық санағы өтеді. Бұл жайлы Стратегиялық жоспарлау және реформалар агенттігінің төрағасы Қайрат Келімбетов мәлім етті.
Биыл өтетін ұлттық санақтың жаңашылдығы – процестің автоматтандырылуында. Науқан 2 әдіспен жүргізілмек. Біріншісі – онлайн, екіншісі – дәстүрлі форматта. Соңғысы қазанның 1-і мен 30-ы аралығын қамтиды. Бұл ретте мамандар тұрғындармен тілдесіп, тиісті мәліметті планшетке енгізеді. Санақ жүргізу аяқталған соң заманауи құрылғылар мектептерге берілмек.
Қайрат Келімбетов – ҚР Стратегиялық жоспарлау және реформалар агенттігінің төрағасы:
– Бірінші жолы – sanaq.gov.kz сайтында интернет сауалнама жүргізу. Ол виртуал көмекші арқылы, қай жерде отырғанына қарамастан, өзі және отбасы жайлы санақ парағын толтыруға болады. Екіншісі – дәстүрлі аралау. Бұлар онлайн режимде санаққа қатыспаған азаматтардың баспаналарын санитарлық нормаларды сақтай отырып, аралау. Бұл шараларды қазанда өткізу жоспарланып отыр.
Бисенова Жанна