Ақпанның алғашқы күндері өңірімізде қар жауып, тұман түспек. Жекелеген аумақтарда бұрқасын соғуы да ықтимал. Кейін сынап бағанасы біртіндеп көтерілмек.
Алтынай Қазиқан – тілші:
– Бүгін ақпанның екінші күні. Сынап бағанасы -9 градусты көрсетіп тұр. Далада кәдімгідей көктемнің лебі сезіледі. Синоптиктердің айтуынша, өңірімізде мұндай температура осы жұманың соңына дейін сақталмақ.
Файруза Билалова – «Қазгидромет» РМК СҚОФ инженер-синоптигі:
– Бірінші онкүндікте ауа температурасы түнде -7-12, кей жерлерде 17 градус аяздан – 3-8, кей жерлерде 11 градус аязға дейін, күндіз – 0-5, кей жерлерде 9 градус аяздан – 0-5 градус аяз, кей жерлерде 3 градусқа дейін жоғарылайды.
Алайда, далада күн жылы болғанымен қалың киімді алысқа тастауға асықпау керек. Себебі, Қазгидромет мамандарының сөзінше, ақпанның 3-і мен 6-сы аралығында облыс аумағында кей жерлерде қар жауып, жел күшейеді, онымен қоймай тұман түсіп, бұрқасын соғуы мүмкін.
Файруза Билалова – «Қазгидромет» РМК СҚОФ инженер-синоптигі:
– Екінші онкүндікте ауа температурасы түнде – 20-25 градус аяздан 8-13, кей жерлерде 18 градус аязға, күндіз 13-18 градус аяздан 3-8 , кей жерлерде 11 градус аязға, кей жерлерде 0-5 градусқа дейін көтерілуі мүмкін деп болжануда. Ал үшінші онкүндікте ауа температурасы түнде – 18-23, кей жерлерде – 28 градусқа дейін, күндіз – 10-15 градус аяздан кей жерлерде 18 градусқа дейін біртіндеп төмендейді деп күтілуде.
Сондай-ақ, ақпанда жауын-шашын мөлшері нормадан асады деп болжануда. Сөз соңында, әдеттегідей өткенге тоқталып өтсек. Петропавл қаласы бойынша ақпандағы ең суық күн осыдан 70 жыл бұрын тіркеліпті. Онда сынап бағанасы -42 градусты көрсеткен екен. Ал ең жылы күн 2016 жылы болған. Айдың 26-шы жұлдызында ауа температурасы +7 градусқа дейін көтерілген.
Казиканова Алтынай