Петропавлда 3 қабатты үйден өрт шықты

ТЖД

22:09 26 Қаңтар 2021

Петропавлда сейсенбіге қараған түнде 3 қабатты үйден өрт шықты. Оқиға Ружейников көшесінің бойында орналасқан баспаналардың бірінде болды. Құтқарушылар нысан ішінен 16 адамды қауіпсіз жерге шығарған. Олардың 4-уі – бала.

 

Төтенше жағдайлар департаменті бастығының орынбасары Орал Әбдірахмановтың айтуынша 1 айға жуық уақыттың көлемінде облыста 60 өрт оқиғасы болған. Өкінішке қарай 7 адам қаза тапқан. Қызыл жалынның бас көтеруіне көп жағдайда отқа деген немқұрайлық себеп болған көрінеді.

Орал Әбдірахманов – СҚО ТЖД бастығының орынбасары:


–  Жылыту пештерін қолдану кезінде және үйде электр монтаждау кезінде қауіпсіздік ережелері бұзылады. Өрттен қайтқан азаматтар жайлы айтатын болсақ, олардың көбісі – алкогольді ішімдікті пайдаланатын кісілер.

Апат айтып келмейді дейміз, бірақ соңғы уақытта орын алып жатқан оқыс оқиғалардың көбісі мамандар айтқандай тұрғындардың салғырттығынан орын алып жатыр. Сондай жағдайлардың бірі қаңтардың 19-ы күні Тайынша ауданында орын алды. Многоцветное селосында жеке тұрғын үйде газ баллоны жарылды. Салдарынан 1 адам қаза тапты. Көрші үйдегі адамдардың айтуынша сол күні өртке оранған баспананың иесі мас болған екен.

Тағы бір жағдай бүгін ғана сағат түнгі 1 кезінде Петропавл қаласында орын алды. Ружейников көшесінің бойында орналасқан 3 қабатты баспанадан өрт шықты. Төтенше жағдайлар департаменті мамандарының мәліметінше үйдің кіреберіс есігі жанған. Бұл адамдардың сыртқа шығуына кедергі келтірген.

Орал Әбдірахманов – СҚО ТЖД бастығының орынбасары:

– Оқиға орнына келген өрт сөндірушілер баспанадан 16 адамды эвакуациялайды. Олардың 4-уі – бала. Оқиғадан қатты зардап шеккендер жоқ.

Өңірде жыл басынан тіркелген 60 өрттің салдарынан 37 млн теңгенің материалдық шығыны келген.

Бердимурат Баймухан

 

Бұдан әрі оқыңыз

Тілсіз жау Булаево қаласында 4 адамның өмірін жалмады
Петропавлда жыл басынан бері 24 өрт болған
СҚО-да жыл басынан бері 81 өрт оқиғасы болған
Соңғы 2 күнде жауған қар нормадан 3 есеге асып түскен
Өрт сөндіру бөлімінде ашық есік күні өтті
Өңірде өрт қауіпсіздігі айлығы өтіп жатыр
Өңірде 79 елді мекенді су басу қаупі бар
Өңірде “Көктем-2021” оқу-жаттығу жиыны өтіп жатыр
Бір жарым күнде айлық нормадан екі есе көп қар түскен
Құтқарушылар 60-тан астам жерлесімізге көмек қолын созған
СҚО-да 5 жасар бала өрттен қаза тапты