Облыстық мәслихатта тұрақты комиссия мүшелерінің отырысы өтті

МТРА жаңалықтары

23:23 21 Қаңтар 2021

Бүгін облыстық мәслихатта тұрақты комиссия мүшелерінің отырысы өтті. Шара барысында депутаттар алдағы жоспарларын талқылады. Сонымен қатар, халық қалаулылары сайлаудан бұрын халық арасында көтерілген мәселелердің шешілу жолдарын нақтылады.

Биыл қаңтардың 15-сі күні VII шақырылымдағы СҚО мәслихатының 1-ші сессиясы өткен болатын. Жиын барысында өңірлік депутаттар облыстық мәслихат хатшысын сайлады. Ортақ келісіммен жауапты міндетке бұған дейін де осы лауазымда қызмет еткен Владимир Бубенко сайланды. Сонымен қатар, сессия барысында мәслихаттың тұрақты комиссияларының құрамы мен төрағалары да бекітілді. Айта кетейік, сайлау қорытындысы бойынша биыл облыстық мәслихатқа 30 депутат тіркелді. Олардың 24-і – «Nur Otan»-нан, қалған 6-уы – «Ауыл» мен «AQ JOL» партияларынан. Халық өз таңдауын жасады. Енді депутаттар ел үмітін ақтап, сайлаудан бұрын айтылған уәделерін орындаулары қажет. Осы мәселе төңірегінде талқылау үшін бүгін тұрақты комиссия мүшелері облыстық мәслихатқа жиналды.

Біржан Жалғасбаев – СҚО мәслихатының депутаты:

– Кеше елді мекендерде көтерілген сұрақтарды бүгін нақтылайтын боламыз. Соларды әр кварталға бөліп қарастырамыз.

Тұрақты комиссия мүшелерінің арасында өзге де партиялар мен кейінгі толқын өкілдері бар. Мәселен, Данила Подковыров 20 жаста. Депутат атанғанға дейін әлеуметтік жұмыстарға белсенді араластым дейді. Халық қалаулысы қоғаммен тығыз қарым-қатынаста болуы керек дейді және өзінің болашақта көтеретін мәселелері де бар көрінеді.

Данила Подковыров – СҚО мәслихатының депутаты:

– Мен өзім мүшелік ететін партия атынан тұрғындармен көп жұмыс жасаған болатынмын. Жинаған біраз тәжірибем бар. Сондықтан, атқаратын жұмысымның басым бөлігі қоғамдық істерге бағытталады. Көтеретін мәселелер баршылық. Болашақта оның бәрін халықпен ақылдаса отырып шешуге ат салысамын.

Пандемияға байланысты бүгінгі отырыстың жартысы онлайн режимде өтіп жатыр. Депутаттар алдағы уақытта халықтың өтініштерін қашықтықтан қабылдақшы. Сондай-ақ, коронавирус басланысты ахуал тұрақтала салысымен елді мекендерді аралап, өңір жұртшылығымен жүздесу жоспарда бар дейді халық қалаулылары.

Бердимурат Баймухан

 

Бұдан әрі оқыңыз

Көлікті мас күйде басқарған мемлекеттік қызметші қызметінен босатылуы мүмкін
Қасым-Жомарт Тоқаев: қазақтілді БАҚ-тың бәсекеге қабілеттілігін күшейту қажет
Ауыр атлетші Айдар Қазов сыйға тартылған баспанадан айрылып қалды
ForteBank өз клиенттеріне бағалы сыйлықтар тарту етуде
Техникалық реттеу және метрология комитетінің жергілікті департаменті өткен жылды қорытындылады
Ақпанның 1-інен бастап СҚО толығымен цифрлық телехабар таратуға көшеді
“Nur Otan” партиясы СҚОФ фракциясының отырысы өтті
“Nur Otan” партиясы СҚОФ фракциясының отырысы өтті
Ботаникалық бақтағы мандарин ағашы жеміс берді
Қазақстандық интернет кеңістігінде 175 мыңнан астам домендік атау бар
СҚО-да барлық деңгейдегі әкімдер 570 есеп беру жиынын өткізеді
Облыстағы 51 мектепке биоқазандық орнатылған