Петропавлда жыл басынан бері 26 интернет-алаяқтық фактісі тіркелген

Құқық қорғау органдары

21:50 20 Қаңтар 2021

Интернет-алаяқтардан сақ болыңыз! Жыл басынан бері облыс орталығында 26 адам арам пиғылды жандардың құрығына ілігіп, сан соғып қалған. Ал 7 тұрғынды банк қызметкерінің атын жамылған пысықайлар алдапты. Бұл жайлы жергілікті тәртіп сақшылары мен қаржы ұйымдарының өкілдері ұйымдастырған жиын барысында айтылды.

Алаяқтыққа қатысты фактілердің бірі жақында орын алды. Өзін банк менеджерімін деп таныстырған арам пиғылды адам, қала тұрғынын алдап, банктен 200 мың теңге көлімінде несие рәсімдетеді. Рәсімдетіп қана қоймай, ақшаны өз есепшотына аудартады. Кейін, зым-зия жоқ болған. Зардап шегуші бұл оқиға жайлы тәртіп сақшылары мен банк қызметкерлері ұйымдастырған жиын барысында айтып берді. Және көпшілікті абай болуға шақырды.

Жангелді Әпенов – қалалық ПБ криминалдық полиция бөлімінің жедел уәкілі:

– Бүгінгі жиналып отырған жиналысымыздың басты мақсаты – тұрғындарға интернет-аляқтардан сақ болуды ескерту. Жиналысқа банк қызметкерлерін, басшыларын шақырып, интернет желісінде олардың қандай көмек бере алатындығы туралы жалпы сұрақтар көтерілді. Қалалықтарға айтатырымз бар! Банк қызметкерлері ешқашан сіздерге қоңырау шалып, сіздің жеке ақпараттарыңызды сұрамайды.

Жыл басынан бері 26 Петропавл тұрғыны интернет-алаяқтық пен осыған ұқсас жағдайдың құрбаны болған. 7 адам банк қызметкерінің атын жамылып, алдап соққандардың құрығына түскен. Ал өткен жылы 97 факті тіркеліпті.

Жандос Мұқатов – қалалақ ПБ бастығы:

– Қазір тұрғындардың басым бөлігі онлайн-сауда жасайды. Себебі, бұл өте ыңғайлы әрі уақытты үнемдейді. Оңай жолмен ақша тапқысы келетін алаяқтар осыны біліп, адамдарды алдауға тырысады. Проблемамен бәріміз бірігіп күресуіміз керек.

“Егер мұндай жағдайға тап болсаңыз, бірден банктердің CALL-орталығына хабарласып, мән-жайды анықтаңыз”,- дейді тәртіп сақшылары. Жиын соңында полицейлер мен қаржы мекемелерінің өкілдері алдағы уақытта бірлескен профилактикалық жұмыстар жүргізетіндерін айтты.

Маржан Касымбек

Бұдан әрі оқыңыз

Петропавлда аялдама әйнегін сындырған қыз қолға түсті
Солтүстікқазақстандық 8 жарым млн теңгеге алданып қалды
КАМАЗ жүргізушісі 12 жасар велосипедші қызды соғып кетті
Тайынша ауданындағы кәсіпорыннан 44 тонна жасымық ұрланған
Өңірде “Учаске” жедел-алдын алу іс-шарасы өтуде
6 мыңнан астам петропавлдық көлік салығын төлемеген
СҚО полицейлері жалған емшілікпен айналысқан әйел адамды ұстады
Аса ірі көлемде гашиш өткізген петропавлдық ұсталды
Өңірде заңсыз аң аулау фактісі тіркелді
СҚО-да бөтеннің 5 қойын атып, етін бөліп алғандар анықталды
СҚО-да есірткіні шамадан тыс қолданған 3 адам қаза тапқан
«Абайлаңыз – балалар!» акциясы өткізілуде