«Qyzyljar – Adaldyq alańy» кезекті монтиторинг жүргізді

МТРА жаңалықтары

21:32 15 Қаңтар 2021

Күн сайын қаладан 25 мың текше метр көлемінде қар шығарылады. Жауапты істі жергілікті серіктестіктердің жүздеген маманы мен 250-ден астам техникасы күн-түн демей атқарып жатыр. Бүгін кәсіпорындардағы жағдаймен «Qyzyljar – Adaldyq alańy» жобалық кеңсесінің өкілдері арнайы барып танысты.

Мониторингілік топ өкілдері алдымен “Ашық аспан” серіктестігіне келді. Мұнда қар тазалайтын 82 техника бар. 20-сы – жаңа. Кәсіпорын жұмысшылары Хименко, Набережная мен Победа көшелерінің тазалығына жауапты. Солнечный мен Борки кенттерінде де еңбектенеді.

Дулат Шәріпов – қалалық ТҮКШ, жолаушылар көлігі және автомобиль жолдары бөлімінің сектор меңгерушісі:

– Бүгінде қала бойынша қар шығарумен – 23, тазалаумен 14 кәсіпорын айналысады. Қар жауған күндері көшелерге 250-ден астам техника шығады. Қала 10 учаскеге бөлінген. Әр серіктестік өз аумағына жауапты. Жұмыс рет-ретімен орындалады.

Мониторингілік топ өкілдері “Ашық аспан” серіктестігінен бөлек өзге де кәсіпорныдарға бас сұқты. Техникасын қарады. Жұмысшыларымен тілдесті.

Сәлімхан Сәбитов – «Qyzyljar – Adaldyq alańy» жобалық кеңсесінің жетекшісі:

– Бүгінгі монитирингке жобалық кеңсе менеджерлерінен бөлек, жергілікті әкімдіктің тұрғын үй шаруашылығы бөлімінің мамандары да қатысып жатыр. Тағы, қаланың белсенділері де ат салысуда. Мекемелерге айтар ескертулеріміз жоқ, бірақ тұрғындарға айтарымыз – көліктеріңізді жолға қоймаңыздар. Әсіресе, түнгі уақытта. Себебі, ол қар тазалау жұмыстарына кедергі келтіреді.

Бұл – жобалық кеңсе өкілдерінің 2021 жылдағы 2-ші мониторингі. Мамандар мұнымен тоқтап қалмақ емес. Алдағы уақытта мониторингілік топ кәсіпорындардың түнгі уақытта қалай жұмыс істейтіндерін тексеруді көздеп отыр.

 

 

 

 

 

 

Бисенова Жанна

 

Бұдан әрі оқыңыз

Жарылыс болған жатақхана тұрғындарына гуманитарлық көмек көрсетілуде
Президент қазақстандықтарды Алғыс айту күнімен құттықтады
Қазақстандық интернет кеңістігінде 175 мыңнан астам домендік атау бар
Орталық базарлардың бірінде «Сапа белгісі» атты фронт-кеңсе ашылды
Экс-мемлекеттік қызметшіге жаза тағайындалды
Кеңес әскерлерінің Ауған жерінен шығарылғандарына – 32 жыл
Облыстық мәслихат депутаттары мектептерді аралады
Жаңа ереже
Жабайы жануарлардың қысқы тіршілігі
Өңірде мемлекеттік қызметшілердің жартысынан астамы – нәзікжандылар
“Nur Otan” партиясының құрылғанына – 22 жыл
Ауыр атлетші Айдар Қазов сыйға тартылған баспанадан айрылып қалды